Markmið þessa verkefnis er að efla kynbætur á byggi á Íslandi og í Svíþjóð og meta aðlögun byggs að íslenskum og sænskum aðstæðum. Byggrækt á Norðurslóðum felur í sér ýmsar áskoranir. Á Íslandi er það einkum lágt hitastig á vaxtartímabilinu. Byggplantan erfiðar við að þroska korn á köldu sumri. Þegar hitastig er lágt og lítil sól verður þroskinn ónógur og frestast fram eftir hausti. Þá geta tekið við válynd haustveður auk ágangs fugla. Í Norður Svíþjóð er vaxtartímabilið að jafnaði styttra en hærra hitastig gerir að verkum að jafnaði er hægt að skera kornið fyrr en á Íslandi.

Verkefnið Oat Frontiers, sem kalla mætti jaðarhafrar á íslensku, er alþjóðlegt verkefni styrkt af Interreg-NPA sjóðnum. Markmið verkefnisins er að efla hafrarækt á norðlægum slóðum (NS) sem eru skilgreind jaðarsvæði. Möguleikar hafra til þroska eru ekki full nýttir á þessum svæðum en til þess að svo verði þarf ráðist í eftirfarandi aðgerðir: prófun nýrra yrkja, þróun yrkja og leiðir fundnar til að nýta þau staðbundið. Við munum prófa yrki sem eru þegar til með því að skipuleggja tilraunir á nokkrum stöðum sem ná yfir breytileika vaxtarumhverfa innan NS. Við munum þróa aðferðir sem plöntukynbótafræðingar geta notað sem verkfæri til að þróa yrki sem munu gagnast fyrir NS í framtíðinni. Samtímis geta þessi verkfæri verið notuð til þess að takast á við öfgakendar aðstæður sem tengjast loftslagsbreytingum og til þess að auka gæði hafra. Til þessara verkfæra telst skilningur á eiginleikum, þar á meðal viðbragð við daglengd, þroska, sjúkdómsþol og strástyrk. Enn fremur er verkefni okkar að kynna nýjar arfgerðir í hafrakynbótaverkefni, sem geta nýst til að bæta bæði þessa eiginleika og mikilvæga gæðaeiginleika. Við stefnum einnig að efla samstarf fyrirtækja og stofnana sem bera ábyrgð á hafrakynbótum og -rannsóknum, og skipuleggja viðburði með bændum, frumkvöðlum og öðrum hagaðilum til að deila upplýsingun og ræktunaraðferðum, og til að mynda tengsl til að takast á við breytingar á staðbundinni kornræktun.

Netverk vísindamanna á Norðurlöndum Markmiðið er að þróa verkefni til þess að auka ræktun hafra á norðlægum slóðum með aðferðum plöntukynbóta. Forverkefnið er unnið á árinu 2023. Netverkið sem samanstendur af plöntukynbótafyrirtækjum, rannsóknastofnunum og landbúnaðar fyrirtækjum sem starfa á norðlægum svæðum verður útvíkkað.