Hvað læri ég?

Ísland er einstakur staður til að leggja stund á þessa fræðigrein. Ósjálfbær landnýting í bland við erfiðar veðurfarsaðstæður og eldvirkni hafa haft mikil áhrif á vistkerfi landsins sem mörg hver eru í hnignuðu ástandi og hafa Íslendingar staðið fyrir skipulögðum aðgerðir á landsvísu sem til að sporna við jarðvegseyðingu og endurheimta vistkerfi í meira en 100 ár. Hér er því til staðar umfangsmikil sérfræðiþekking og hagnýt reynsla á sviði vistheimtar þar sem unnið er á mismunandi skala í ólíkum vistgerðum. Landbúnaðarháskólinn hefur um langt skeið gegnt stóru hlutverki í vísindarannsóknum, menntun og þjálfun fagfólks innan greinarinnar. LBHÍ hýsir einnig GRÓ LRT eða Landgræðsluskóla GRÓ í samvinnu við Land og skóg.

Meistaranám í endurheimt vistkerfa er tveggja ára 120 ECTS þverfaglegt nám sem byggt er upp af skipulögðum námskeiðum og 30-60 ECTS rannsóknarverkefni. Námskeiðin eru að hluta til skyldunámskeið en námið býður einnig upp á talsverðan sveigjanleika og tækifæri til sérhæfingar innan fræðigreinarinnar í gegnum fjölbreytt valnámskeið. Námið hefur alþjóðlega skírskotun og er almennt miðað við að kennsla fari fram á ensku.

Til að innritast í meistaranám í Endurheimt vistkerfa þarf umsækjandi að hafa lokið B.Sc prófi með lágmarkseinkunn 7,25 eða hærra (lágmark C á ECTS skala) frá Landbúnaðarháskóla Íslands (LbhÍ), eða hafa sambærilegt akademískt próf viðurkennd á alþjóðavettvangi og af deild Náttúru og skóga. Skilyrði fyrir inngöngu er að nemandi búi yfir lágmarksþekkingu eða færni á sviði vistfræði, ýmist með fyrri menntun á háskólastigi eða úr faglegu starfi. Almennt skal að minnsta kosti 90 ECTS (af 180 ECTS) af B.Sc prófi hafa verið lokið á sviði náttúru- og umhverfisvísinda. Umsækjendur með fyrst og fremst félagsvísindalega bakgrunn verða metnir úrfrá reynslu og/eða gefin möguleiki á að öðlast grunnþekkingu í vistræði með viðbótarnámskeiðum. Allir umsækjendur verða metnir á einstaklingsgrundvelli.

Umsóknarfrestur í meistaranám í Endurheimt vistkerfa fyrir nemendur utan ESB/EES er 31. janúar og 15. apríl fyrir nemendur innan ESB/EES.

Athugið að aðeins er tekið inn í námið annað hvert ár, næst haustið 2027.

Námið samanstendur af 60-90 ECTS skipulögðum námskeiðum, allt eftir vali á lokarannsóknarverkefni, sem getur verið annað hvort 30 eða 60 ECTS. Námskeiðunum er skipt í skyldunámskeið (30-42 ECTS, eftir bakgrunni nemenda), bundið val (lágmark 8 ECTS) og aðrar valgreinar (allt að 34 ECTS).

Námið er í boði með fjarnámslausnum en krefst viðveru í ákveðnum kennslustundum og staðlotum. Sum valnámskeið eru alfarið staðarnámskeið.

Námið hefur alþjóðlega áherslu og eru öll námskeið sem skilgreind eru innan námsins kennd og metin á ensku. Nemendur hafa val um annað hvort 30 eða 60 ECTS lokarannsóknarverkefni, samþykkt af og valið í samstarfi við umsjónarkennara námsins og leiðbeint af fræðilegum leiðbeinendum með sérfræðiþekkingu á fræðasviðinu. Markmið sjálfstæða rannsóknarverkefnisins er að þjálfa fræðilega og verklega hæfni nemandans, skipulags- og verkefnastjórnunarhæfileika sem og sjálfstæði við úrlausn flókinna áskorana.

Næst verður boðið upp á námsbrautina haustið 2027.

• Vilt þú takast á við áskoranir á sviði umhverfismála?

• Vilt þú nálgast viðfangsefnið á hagnýtan og fræðilegan hátt?

• Vilt þú geta starfað í alþjóðlegu umhverfi?

• Viltu læra leiðir til að sporna gegn hnignun og endurheimta vistkerfi?

Alþjóðafulltrúi LBHÍ hjálpar nemendum og starfsfólki að taka þátt í námi og samstarfi erlendis. Þar á meðal eru skiptinám í gegnum Erasmus+ og Nordplus, auk annarra spennandi alþjóðlegra verkefna. Hér færðu upplýsingar og aðstoð við að sækja um skiptinám, styrki og tækifæri til að læra og starfa með fólki frá öðrum löndum.

Endurheimt vistkerfa er sífellt talin mikilvægari leið á alþjóðavettvangi til að takast á við áskoranir á sviði umhverfismála á borð við eyðimerkurmyndun, tap á líffræðilegri fjölbreytni, ósjálfbæra landnýtingu og loftslagsbreytingar.

Námið mun hjálpa þér að öðlast þá hagnýtu og fræðilegu færni sem nauðsynleg er við forgangsröðun, skipulag, framkvæmd, vöktun og mat á árangri verkefna á sviði endurheimtar í fjölbreyttum vistgerðum og á ólíkum skölum. Þú munt fræðast um og læra aðferðir við vöktun og mat á framvindu og árangri endurheimtar og aðlögun aðgerða sem tekur mið af bæði vistfræðilegum og samfélagslegum þáttum.

Alþjóðleg áhersla veitir undirbúning fyrir starfsferil hvar sem er í heiminum þar sem vaxandi þörf er á sérfræðingum með djúpan skilning á fræðilegum og hagnýtum hliðum þess að endurheimta vistkerfi og stuðla að náttúrulegri framvindu þeirra.

Endurheimt vistkerfa er sífellt talin mikilvægari leið á alþjóðavettvangi til að takast á við áskoranir á sviði umhverfismála á borð við eyðimerkurmyndun, tap á líffræðilegri fjölbreytni, ósjálfbæra landnýtingu og loftslagsbreytingar.

Námið mun hjálpa þér að öðlast þá hagnýtu og fræðilegu færni sem nauðsynleg er við forgangsröðun, skipulag, framkvæmd, vöktun og mat á árangri verkefna á sviði endurheimtar í fjölbreyttum vistgerðum og á ólíkum skölum. Þú munt fræðast um og læra aðferðir við vöktun og mat á framvindu og árangri endurheimtar og aðlögun aðgerða sem tekur mið af bæði vistfræðilegum og samfélagslegum þáttum.

Alþjóðleg áhersla veitir undirbúning fyrir starfsferil hvar sem er í heiminum þar sem vaxandi þörf er á sérfræðingum með djúpan skilning á fræðilegum og hagnýtum hliðum þess að endurheimta vistkerfi og stuðla að náttúrulegri framvindu þeirra.

MS gráða gefur möguleika á að sækja um PhD nám.