Einingamat og einkunnir

Fullt nám í eitt kennsluár er metið til 60 eininga í Landbúnaðarháskóla Íslands, 30 einingar á hvoru misseri. Einingar við LBHÍ eru jafngildar ECTS-einingum (European Credit Transfer and Accumulation System). Almennt er miðað við að nám í eitt háskólaár sé 1.500 til 1.800 vinnustundir. Það gera 25 til 30 vinnustundir fyrir hverja ECTS-einingu.

Nám í búfræði er á framhaldsskólastigi og veitir Fein (framhaldsskólaeiningar). Fullt nám í eitt kennsluár er 60 Fein, 30 Fein á hvoru misseri.

Einkunnir

Lokaeinkunn hverrar námsgreinar er gefin frá 0,0 - 10,0 með einum aukastaf. Aðaleinkunn er vegið meðaltal allra einkunna til lokaprófs og reiknast hún með tveimur aukastöfum.

Ágætiseinkunn er 9,0 - 10.

Fyrsta einkunn er 7,25 - 8,99.

Önnur einkunn er 6,0 - 7,24.

Þriðja einkunn er 5,0 - 5,99.

Skilyrða má lágmarkseinkunn á lokaprófi í kennsluáætlun, sé ekki annað tekið fram í kennsluáætlun er lágmarkseinkunn á lokaprófi í háskólanámi 5,0 en 4,5 í starfsmenntanámi. Í sérstökum tilfellum er heimilt að gefa námskeiði lokaeinkunnina staðið/fallið og skal fyrirkomulagið útskýrt í kennsluáætlun. Sú námsgrein telst þá ekki með í útreikningi meðaleinkunnar til námsgráðunnar.

Allar frekari upplýsingar er að fá hjá kennsluskrifstofu LbhÍ í síma 433-5000 eða á netfanginu [email protected].