Ræktun & Fæða
Hestafræði
BS gráða- 180 ECTS einingar
Traustur þekkingargrunnur með blöndu af verklegum og bóklegum fögum.
Hestafræði er innihaldsríkt, alhliða nám sem byggist á blöndu af bóklegu námi og verklegum áföngum. Nemandi öðlast traustan þekkingargrunn á flestum sviðum hestafræða með sérstaka áherslu á íslenska hestinn. Námið er staðarnám í mörgum hestatengdum áföngum en möguleiki er á fjarnámi að hluta í öðrum fögum.
Brautarstjóri er Helgi Eyleifur Þorvaldsson
Nám við Hestafræðibraut er 3ja ára BS nám sem hefur það meginmarkmið að veita nemendum breiða grunnmenntun í hagnýtri líffræði ásamt sérþekkingu í grunngreinum búvísinda og í líffræði hesta, meðferð þeirra og þjálfun.
Nemendur fá grunn í raunvísindum sem byggt er ofan á með sérgreinum landbúnaðarfræða og sérhæfðum námsgreinum um hesta.
Skyldumæting er í verklega áfanga.
Skipulag námsbrautarinnar er í stórum dráttum þannig að grunnfög raungreina og sérfög búvísinda ásamt rekstrargreinum eru tekin með námskeiðum í reiðmennsku og hestatengdum áföngum. Í náminu er lögð áhersla á að skapa traustan þekkingargrunn á flestum sviðum hestafræða með sérstaka áherslu á íslenska hestinn.
Skipulag náms í hestafræði
Aðstaðan
Hestamiðstöð skólans er staðsett á Mið-Fossum og er þar pláss fyrir um 70 hross í einstaklingsstíum. Innangengt er í góða reiðhöll með öllum búnaði til kennslu, sýninga og móta. Innifalið í leigu eru gjafir og spænir með aðgengi að allri aðstöðu.
Möguleikar að loknu námi í hestafræði
Nám á hestafræðalínu undirbýr fólk fyrir störf í atvinnugreininni við rekstur hrossabúa og fyrir sérhæfða þjónustu, ráðgjöf og hvers kyns miðlun þekkingar við hrossaræktendur og hestamenn.
Framhaldsnám í hestafræði
Námið hentar einnig mjög vel sem undirbúningur fyrir framhaldsnám til meistaragráðu á sviði hestafræða sem stunda má við LbhÍ. Þá er einnig möguleiki á frekara rannsóknanámi á þessu sviði til doktorsgráðu.
