Nemendum við Landbúnaðarháskóla Íslands býðst að gerast gestanemendur og taka námskeið við aðra opinbera skóla samkvæmt samningi sem skólarnir hafa gert.

Opinberu háskólarnir eru:

Háskóli Íslands 

Háskólinn á Akureyri 

Hólaskóli - Háskólinn á Hólum 

Með þessu eykst aðgangur nemenda að fjölbreyttu námi og námskeiðum. Gestanemandi er skráður við ákveðinn opinberan háskóla, greiðir skrásetningargjald þar en fær heimild til að skrá sig án endurgjalds í einstök námskeið í öðrum opinberum háskóla.