LBHIRannsóknirNám
  • Forsíða
  • Nám
  • Sækja um nám
  • Að byrja í námi (nýnemar)

Velkomin til náms við Landbúnaðarháskóla Íslands!

Nýnemar

LbhÍ er skóli með mikla sérstöðu. Skólinn býður hvort tveggja upp á nám á framhaldsskólastigi og á háskólastigi. Aðalstarfsstöð LbhÍ er á Hvanneyri en einnig er starfsstöð á Keldnaholti í Reykjavík.

Nemendur hafa gott aðgengi að kennurum og leitast starfsfólk skólans eftir því að skapa nemendum sínum góða vinnuaðstöðu á starfsstöðum skólans. Við bjóðum staðarnám og einnig fjarnám í mörgum fögum Á hverju hausti eru haldnir Nýnemadagar fyrir alla nýnema þar sem farið er yfir helstu atriði.

Hér fyrir neðan er að finna allt námsframboð og helstu upplýsingar til nýnema.

Allar frekari upplýsingar færðu hjá kennsluskrifstofu LbhÍ í síma 433-5000 eða á netfanginu [email protected].

Mynd sem tengist textanum
Mynd sem tengist textanum

Nýnemahandbók

Allt sem þú þarf að vita í upphafi náms. Skoða handbókina hér sem pdf skjal

Skráningargjöld

Skráningargjöld LbhÍ eru 75.000 kr fyrir grunn- og framhaldsnám háskólabrauta og 50.000 kr fyrir nám á framhaldsskólastigi. Skráningargjöld eru óafturkræf.

Námsfyrirkomulag

Námsárinu er skipt í fjórar stuttannir. Hver stuttönn er sjö vikur og að þeim loknum eru próf. Þetta veitir nemendum möguleika að einbeita sér að færri fögum í einu. Tvær stuttannir að hausti og tvær að vori. Einstök námskeið í háskóladeild standa yfir tvær stuttannir.

Þeir nemendur sem eru skráðir í fjarnám koma í staðarlotur þar sem farið er í verklegar æfingar eða vettvangsferðir.

Aðgangur að kerfum skólans

Þegar greiðsla hefur verið innt af hendi þarftu að sækja um aðgang að nemendaskrárkerfinu UGLA inn á námsumsóknasíðunni. Á Uglu má finna ýmsar hagnýtar upplýsingar, m.a. starfsáætlun skólans ásamt stundaskrá og bókalista sem birtast þegar nær dregur upphafi skólaárs. Athugið að sólarhringur þarf að líða frá greiðslu þar til hægt er að sækja um aðgang. Frekari upplýsingar á kennsluskrifstofu.

Mynd sem tengist textanum

Gott að vita – hvert ber að snúa sér

  • Vottorð, hvor tveggja skil á vottorði sem og beiðni um vottorð – kennsluskrifstofa
  • Úrsögn úr áfanga (í síðasta lagi sjö dögum fyrir próf) – kennsluskrifstofa
  • Úrsögn úr skóla – kennsluskrifstofa
  • Vandamál tengd Uglu, notendanafn glatað, leiðrétting á skráning – kennsluskrifstofa
  • Nemendagarðar, útleiga, skil og önnur aðstoð – Umsjónarmaður nemendagarða ([email protected])
  • Staðfesting á skólavist - móttaka í Ásgarði
  • Nemendaskírteini - móttaka í Ásgarði
  • Námsmat – Kennsluskrifstofa
  • Próftafla, próf og sjúkra- og endurtökupróf – kennsluskrifstofa
  • Spurningar um einstök námskeið, s.s. skyldumæting, námsferðir, verklegir tíma og annað innra starf – kennari í viðkomandi námskeiði
  • Hesthús og/eða hesthúsapláss á Mið Fossum – [email protected]
  • Kvittanir fyrir greiðslu – móttaka í Ásgarði / gjaldkeri
  • Tímapöntun hjá náms- og starfsráðgjafa – námsráðgjafi Þórey Þórarinsdóttir, [email protected]
  • Skiptinám og alþjóðamál – alþjóðafulltrúi ([email protected])
  • Bókasafn skólans er staðsett á Hvanneyri og hægt er að fá afgreiddar bækur á Keldnaholt – [email protected]
  • Aðstoð vegna tölvu- og tæknimála – tölvuþjónsta ([email protected])
  • Prent- og ljósritunarinneign – móttaka í Ásgarði

Handbók nemenda er að finna á Uglu. Starfsáætlun skólans er einnig að finna á Uglu.

Líkamsræktarstöð er í kjallara Ásgarðs. Nánari upplýsingar um líkamsræktina hjá nemendafélaginu.

Nemendafélag Landbúnaðarháskóla Íslands er hagsmunafélag nemenda sem stunda nám við skólann. Félagið stendur einnig fyrir fjölbreyttu félagslífi og skipuleggur ýmsa viðburði og uppákomur fyrir nemendur á Hvanneyri. Undir nemendafélaginu eru einnig virkir klúbbar sem sjá um mismunandi viðburði yfir árið.

Mötuneyti er í Ásgarði. Þar er hægt að kaupa kaffi og hádegisverð. Matarmiðar eru seldir á staðnum. Rekstraraðili er Hjelm Veitingar ehf. Facebook síða. Senda póst.

Kennslubækur í búfræði eru seldar í bóksölunni í Rannsóknahúsinu á Hvanneyri. Erlendar bækur sem eru kenndar á námskeiðum í háskóladeildum eru seldar í Bóksölu stúdenta í Reykjavík.

Þeir nemendur á framhaldsskólastigi, sem fá ekki lán hjá Menntasjóði, geta sótt um styrk til jöfnunar námskostnaðar. Umsóknin er send í gegnum gátt hjá sjóðnum. Allar upplýsingar er að finna á www.menntasjodur.is en sækja skal um fyrir 15. október ár hvert.