LBHIRannsóknirNám

Próf

Próf

Próf eru haldin í lok hverrar annar. Tvisvar að hausti og tvisvar að vori. Fjarnemar geta fengið að taka próf á prófstöðum í sinni heimabyggð á eigin kostnað. Eldri próf úr háskóladeildum eru varðveitt á neti skólans (sjá Uglu).

Prófstaðir eru fyrir staðarnemendur á Hvanneyri. Í sérstökum tilfellum getur kennsluskrifstofa heimilað annað. Sjúkra- og endurtökupróf eru haldin áður en skólahald hefst í janúar og ágúst.

Mynd sem tengist textanum

Eru birtar í Uglu og geta nemendur og kennarar séð sína persónulegu töflu með því að smella á Uglan mín > Námskeiðin mín> Próftaflan mín. Próftöflur eru birtar um fjórum vikum fyrir próf.

Rafræna prófakerið Inspera hefur verið tekið í notkun við skólann. Það er sérhæft prófakerfi sem auðveldar mjög framkvæmd og úrvinnslu prófa sem tekin eru í tölvu. Nemendur taka prófin í sínum tölvum, ýmist í lokuðum eða opnum vafra, sjá leiðbeiningar hér.

Nemandi sem ekki getur mætt til prófs vegna veikinda skal tilkynna forföll samdægurs, og ádur en próf hefst, til [email protected] eða i adalsimanúmer LbhÍ 433 5000.

  • Þú þarft að senda póstinn frá lbhi-netfanginu þínu innan fimm daga frá prófdegi.
  • Í póstinum þarf að koma fram:

Númer námskeiðs

Heiti námskeiðs

Nafn þitt

Kennitala þín

Læknisvottorði skal skila til kennsluskrifstofu við fyrsta tækifæri og eigi siðar en fimm dögum eftir ad próf var haldið, annars telst nemandi hafa þreytt prófið. Það sama gildir ef nemandi mætir ekki í próf vegna veikinda barns.

Heimilt er að skila vottorði rafrænt á [email protected]. Nemandi sem ekki mæti til prófs telst hafa þreytt prófið og fær FALL og telst hafa notað einn próftökurétt.

Skólinn er í samstarfi við margar símenntunarmiðstöðvar um landið ásamt öðrum stofnunum varðandi próftöku fjarnema. Nánari upplýsingar veitir kennsluskrifstofa, [email protected]

Nemendur þurfa að skrá sig í sjúkra- og endurtökupróf sem eru í boði hverju sinni. Yfirstjórn LbhÍ ákvað varðandi endurtökupróf að nemendur þyrftu ekki að greiða fyrir fyrsta próf - ef það væri þreytt á reglulegum prófatíma þegar kennslu lýkur í viðkomandi áfanga. Sjúkra- og endurtökupróf sem eru tekin í janúar fyrir haustönn eða í ágúst fyrir vorönn, kosta kr. 6.000. Þriðja og síðasta endurtökupróf, sem og öll aukapróf utan venjulegs prófatíma, kosta kr. 6.000.