LBHIRannsóknirNám
Mynd sem tengist textanum

MS gráða 120 ECTS

Búvísindi

Meistaranám í Búvísindum er rannsóknarmiðað meistaranám. Markmið þess er að veita einstaklingsbundna menntun og þjálfun í búvísindum.

Meistaranám í Búvísindum

Sækja um

Kjörsviðið Sjálfbær landbúnaður og byggðaþróun er námskeiðsmiðað

Öflugur sjálfbær landbúnaður í sátt við umhverfi og samfélag er ein af grunnstoðum þróunar samfélaga um allan heim, ekki síst með tilliti til fæðuöryggis og byggðaþróunar. Meistaranám í Búvísindum með kjörsviðið Sjálfbær landbúnaður og byggðaþróun býður upp á nám sem fyrir einstaklinga sem vilja auka við þekkingu sína á breiðum grundvell landbúnaðarvísinda, umhverfisvísinda, nýsköpunar, hagvísinda, stefnumótunar og þróun byggða. Komið er inná fjölmörg þemu í kjörsviðinu svo sem landbúnaðarkerfi og framleiðslu, fæðukerfi og fæðuöryggi, stefnu og stuðning stjórnvalda þar með talið stjórnkerfi og stjórntæki hins opinbera, hagsæld og hringrásarhagkerfi, loftslagsbreytingar, byggðaþróun, nýsköpun í dreifbýli og landnýtingu – allt í samhengi við sjálfbærni.

Námið er kennt í þverfaglegu samstarfi við Háskóla Íslands, og fer kennsla skyldunámskeiða fram í staðnámi bæði á Hvanneyri og í Reykjavík. Vegna samstarfsins hafa nemendur möguleika á því að velja námskeið úr báðum háskólum, sem og þvert á deildir háskólanna umfram þær 40 ECTS einingar sem fela í sér skyldunámskeið. Umfang rannsóknarverkefnis gerir nemendum svo kleift að móta námið að sínu áhugasviði.

Umsjónarmaður framhaldsnáms er Jón Grétar Sigurjónsson

Nánari upplýsingar má nálgast hjá [email protected]

Mynd sem tengist textanum

2025-2026

Námsskrá

Námið felur yfirleitt í sér 60 ECTS sjálfstætt rannsóknarverkefni og 60 ECTS í námskeiðum. Aðeins 18 einingar eru skyldunámskeið; námskeið í vísindaskrifum, námskeið um rannsóknarsiðfræði og (virk þátttaka í) málstofum framhaldsnema. Önnur námskeið eru ætluð til að styðja nemandann í rannsóknarverkefninu. Þau er hægt að taka við LbhÍ eða aðra háskóla innanlands eða erlendis.Þegar nemandi sækir um í rannsóknarmiðuðu meistaranámi fær hann skipaðan tengilið úr röðum akademísks starfsfólks LbhÍ, hafi hann ekki þegar fundið slíkan. Þessi einstaklingur hjálpar nemandanum að þróa hugmynd um rannsóknarverkefni, að finna að minnsta kosti tvo hæfa leiðbeinendur til að mynda meistaranámsnefnd og aðstoðar við gerð námsáætlunar. Val á námskeiðum skal styðja við rannsóknina á rökréttan hátt og uppfylla almenn hæfniviðmið LbhÍ um meistaranám.

B.Sc. gráðu frá LbhÍ eða öðrum sambærilegum skóla. Lágmarkseinkunn er 7,25.

Nemendur þurfa að ljúka B.Sc. gráðu áður en þeir hefja meistaranám í búvísindum. 120 ECTS einingum þarf að vera lokið til að öðlast meistaragráðu og samanstendur gráðan af lokaverkefni (30-60 ECTS), sem skal verja opinberlega fyrir almenningi og námskeiðum sem tekin eru við háskóla hérlendis og erlendis, þar af eru 14 ECTS skylda við LbhÍ. Viðfangsefni lokaverkefnis geta verið margvísleg en skulu tengjast náminu.

Alþjóðafulltrúi LBHÍ hjálpar nemendum og starfsfólki að taka þátt í námi og samstarfi erlendis. Þar á meðal eru skiptinám í gegnum Erasmus+ og Nordplus, auk annarra spennandi alþjóðlegra verkefna. Hér færðu upplýsingar og aðstoð við að sækja um skiptinám, styrki og tækifæri til að læra og starfa með fólki frá öðrum löndum.

sem stefna á rannsóknir, ráðgjöf á sérfræðistigi eða áframhaldandi nám, en hagnýtt nám hentar vel starfandi bændum eða stjórnendum.

MS gráða gefur möguleika á að sækja um PhD nám.