Svona var umhorfs í garðskálanum að morgni 5.apríl s.l. Ljósmynd Már Guðmundsson
Til stóð að hefja viðgerðir og endurbætur garðskálans á Reykjum síðar í vor en hann fór illa í óviðrinu sem gekk yfir landið í byrjun apríl síðas tliðinn. Miklar skemmdir urðu bæði á húsnæði sem og plöntum en vegna skemmdanna var ráðist í að hefja viðgerðir fyrr en áætlað var. Guðríður Helgadóttir starfsmenntanámsstjóri við skólann tók þessar myndir á öðrum degi endurbóta. Til viðmiðunar má sjá mynd fyrir viðgerðir og mynd sem sýnir stöðuna daginn eftir storminn sem Már Guðmundsson starfsmaður skólans tók.
Mikil vinna er framundan en það verður virkilega gaman að geta tekið á móti nýjum nemendum í haust í nýjum og endurbættum garðskála sem svo sannarlega er hjartað í starfseminni á Reykjum. Garðskálinn er miðrýmið í skólabyggingunni sem hönnuð var af Hrafnkeli Thorlacious og fyrsti áfangi hennar tekinn í notkun 1965. Garðskálinn tengir mötuneyti, kennslustofur og skrifstofur starfsmanna. Skipulag innra rýmis gróðurskálans var unnið af Auði Sveinsdóttur landslagsarkitekt.
Vegna Covid -19 faraldursins þurftum við því miður að aflýsa hinni árlegu sumarhátíð sem handin hefur verið á Reykjum til að fagna sumrinu og kynna spennandi möguleika í námi á sviði garðyrkju en starfsfólk vonumst þess í stað að geta boðið gestum og gangandi að sækja okkur heim þegar aðstæður leyfa. Á Reykjum fer fram allt starfsmenntanám skólans á sviði garðyrkju og má þar nefna blómaskreytingar, ylrækt, lífræna ræktun matjurta, garð- og skógarplöntuframleiðsla, skógtækni og skrúðgarðyrkju. Umsóknafrestur í starfsmenntanám og grunnnám við skólann hefur verið framlengt til 15.júní fyrir komandi skólaár. Hægt er að hafa samband við
