Verkefnisstjóri óskast til að vinna að undirbúningi náms í dýralækningum

Landbúnaðarháskóli Íslands, Háskóli Íslands, Tilraunastöð Háskóla Íslands í meinafræði og Háskólinn á Hólum undirbúa nám í dýralækningum í samstarfi við Lífvísindaháskólann í Varsjá, Póllandi (SGGW).

Fyrirhugað er að fyrstu tvö ár námsins verði kennd á Íslandi, en síðan fari nemendur til SGGW í Póllandi og ljúki þar fullgildu prófi í dýralækningum á þremur árum. Á síðari stigum námsins verður boðið upp á hluta af verklega náminu á Íslandi.

Óskað er eftir verkefnisstjóra til starfa við Landbúnaðarháskóla Íslands til að leiða undirbúningsvinnuna.

Ráðgert er að kennsluskrá sé tilbúin til uppsetningar á námsvef í janúar 2026, svo hægt sé að bjóða upp á námið haustið 2026, því er mikilvægt að umsækjendur geti hafið störf sem fyrst.

• Skilgreining hæfniviðmiða og inntökuskilyrða í nám í dýralækningum

• Yfirferð námskeiða og aðstöðu

• Vinna við námskeiðslýsingar og kennsluskrá

• Vinna við undirbúning aðstöðu fyrir verklegt nám á Íslandi

• Þátttaka í vinnuhópum/teymisvinnu sem tengist verkefninu

• Önnur tilfallandi verkefni

• Hafa lokið námi í dýralækningum

• Þekking og reynsla af háskólakennslu og rannsóknum æskileg

• Góð tölvukunnátta

• Góð kunnátta í íslensku og ensku

• Geta til að vinna sjálfstætt og sem hluti af hóp

• Samstarfshæfni og lipurð í samskiptum

Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.