Verkefnastjóri á skrifstofu rektors

Landbúnaðarháskóli Íslands leitar að öflugum einstaklingi í fjölbreytt starf tengt endurmenntunarnámskeiðum háskólans, þátttöku í markaðsstarfi, umsjón með samskiptum við hagaðila og umsýsluverkefnum á skrifstofu rektors.

Við leitum að drífandi og jákvæðum einstaklingi sem sýnir frumkvæði og sjálfstæði í vinnubrögðum auk þess að eiga auðvelt með að vinna í teymi. Viðkomandi þarf að búa yfir góðum skipulagshæfileikum, færni til að halda mörgum boltum á lofti og getu til að fylgja málum vel eftir.

• Vinna með endurmenntunarstjóra að þróun námskeiða, kynningu þeirra, framkvæmd og eftirfylgni

• Umsjón með vef og samfélagsmiðlum háskólans

• Gerð fréttatilkynninga og annars útgefins efnis svo sem ársskýrslu háskólans

• Miðlun upplýsinga og margvísleg aðstoð við kynningar, viðburði, fræðslu og útgáfumál

• Greining gagna og hagnýting tölulegra upplýsinga

• Umsjón með fjáröflun samfélagsverkefna

• Umsjón með Alumni Landbúnaðarháskóla Íslands

• Önnur tilfallandi verkefni

• Háskólamenntun sem nýtist í starfi

• Mikil reynsla af textagerð, útgáfu og almannatengslum

• Reynsla af notkun samfélagsmiðla í kynningarskyni

• Reynsla af notkun vefumsjónarkerfa

• Reynsla af stýringu og utanumhaldi stórra sem smárra verkefna

• Mjög gott vald á íslensku og ensku í ræðu og riti

• Góð greiningarhæfni og gott læsi á töluleg gögn

• Rík skipulagsfærni, frumkvæði og sjálfstæði í vinnubrögðum

• Lipurð í mannlegum samskiptum og metnaður til að ná árangri

Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.