Logi Sigurðsson bústjóri á Hesti skoðar hér hrútlömb Hestbúsins síðastliðið haust
Sauðfjársæðingarstöðvarnar veita árlega viðurkenningu þeim hrúti stöðvanna sem árið áður er talinn hafa skilað bestum lömbum. Verðlaunin voru veitt á fagfundi sauðfjárræktarinnar nýafstöðnum. Eyþór Einarsson sauðfjárræktarráðunautur hjá Ráðgjafarmiðstöð landbúnaðarins (RML) veitti verðlaunin sem að þessu sinni féllu að þessu sinni í hlut Hestbúsins, tilraunasauðfjárbúi Landbúnaðarháskóla Íslands (LBHÍ).
Eyjólfur Kristinn Örnólfsson námsbrautarstjóri í búfræði veitti verðlaununum viðtöku fyrir hönd Hestsbúsins. Besti lambfaðir stöðvanna árið 2019 er Durtur 16-994 frá Hesti. Durtur átti til að mynda næst stærsta hóp lambhrúta sem til skoðunar komu eða 250 hrútlömb og hefur þegar skila öflugum syni sínum, Glæponi 17-809 frá Hesti inná stöðvarnar. „Durtur gefur úrvals gerð og góðan þroska og hlýtur nafnbótinu besti lambfaðirinn fyrir árið 2019“ sagði Eyþór Einarsson við afhendinguna.
