Í gær fór fram árlegt haustþing umhverfisskipulagsbrautar en það er orðið fastur liður í starfi UMSK-sins. Þar koma saman nemendur, kennarar og fyrrum nemendur og velunnendur brautarinnar og kynna áhugaverð verkefni. Helena Guttormsdóttir brautarstjóri byrjaði á því að fara yfir störf brautarinnar frá síðasta þingi. Þá sagði Sindri Birgisson, skipulagsfræðingur frá mastersverkefni sínu við LbhÍ „ Úr sementsstétt í skapandi stétt – Akranes á tímum sköpunar“ sem fjallar meðal annars um tækifæri til uppbyggingar á innviðum samfélaga út frá hugmyndum Richard Florida um hina skapandi stétt. Í haust hafa fimm skiptinemar frá Þýskalandi verið við nám í UMSK-inu og sögðu þau frá skólanum sínum, Weihenstephan í Suður Þýskalandi auk þess að sýna myndir og segja frá af ferðalögum sínum um Ísland. Að lokum kynnti Edda Ívarsdóttir, lektor, mastersverkefni sitt við Háskólann í Lundi, „Landfestar við höfnina“ en hún tók fyrir leiðir til að sporna við hækkandi sjávarhæð í Kvosinni í Reykjavík.
Gaman er segja frá þessari frétt sem birtist í gær, þar sem Edda virðist hafa séð fram í tímann og vera með lausnina...
