Í dag var undirritaður samningur við Hjelm veitingar ehf. um rekstur mötuneytis í Ásgarði, aðalbyggingu Landbúnaðarháskóla Íslands á Hvanneyri. Elmar Daði Sævarsson og Ragnheiður I. Þórarinsdóttir rektor skrifuðu undir samninginn og mun mötuneytið opna næstkomandi mánudag 12. ágúst. „Það verður spennandi að geta tekið á móti nemendum, starfsfólki og gestum nú þegar nýtt skólaár er að hefjast. Við bjóðum Elmar og hans teymi innilega velkominn til okkar á Hvanneyri“, sagði Ragnheiður I. Þórarinsdóttir við undirritunina.
