Laust er til umsóknar tímabundið starf aðjúnkts í skipulagsfræði við deild Skipulags og hönnunar hjá Landbúnaðarháskóla Íslands. Sóst er eftir umsækjendum sem hafa mjög góða þekkingu á skipulagsferlum, íslenskri stjórnsýslu skipulagsmála og áætlanagerð á aðal-, svæðis- og landskipulagsstigi.
Umsækjendur þurfa að hafa lokið MSc gráðu í skipulagsfræði ásamt því að hafa víðtæka reynslu af starfi tengt stjórnsýslu skipulagsmála. Einnig þarf umsækjandi að geta sýnt fram á hæfi til að kenna og hafa umsjón með námskeiðum á fyrrgreindum sviðum. Deild Skipulags og hönnunar leggur áherslu á rannsóknir og menntun skipulagsfræðinga, með sjálfbæra þróun tengt skipulagi byggðar og náttúrusvæða í íslensku samhengi að leiðarljósi.
Landbúnaðarháskóli Íslands er mennta- og rannsóknastofnun á sviði landbúnaðar, landnýtingar, umhverfisvísinda, landslagsarkitektúrs og skipulagsfræða. LbhÍ veitir BSc, MSc og PhD gráður ásamt því að bjóða upp á starfsmenntanám í búfræði á framhaldsskólastigi.
Helstu verkefni og ábyrgð
-
Kennsla og þróun námskeiða á MSc stigi
-
Leiðbeining nemenda í lokaverkefnum
-
Virk þátttaka í faglegu þróunarstarfi og uppbyggingu tengt kennslu og rannsóknum innan háskólans
Hæfniskröfur
-
MSc próf í skipulagsfræði
-
Reynsla af rannsóknum og starfi sem tengjast skipulagsfræði og stjórnsýslu skipulagsmála
-
Reynsla af kennslu og áhugi til fjölbreyttrar þekkingarmiðlunar á fræðasviðinu
-
Reynsla af þátttöku í rannsóknarverkefnum
-
Samstarfshæfni og lipurð í samskiptum
-
Góð íslensku- og enskukunnátta í töluðu og rituðu máli
-
Framúrskarandi þekking á stjórnsýslu skipulagsmála er nauðsynleg
Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.
Umsækjendur skulu láta fylgja umsókn sinni vottorð um námsferil sinn og störf, ritaskrá, skýrslu um kennslu á háskólastigi, vísindastörf og önnur störf sem þeir hafa unnið, kynningarbréf þar sem m.a. koma fram upplýsingar um starfsferil sem tengjast áherslusviði stöðunnar, kennslureynslu, hugmyndir um þróun fræðasviðsins og þekkingarmiðlunar á sviðinu.
Landbúnaðarháskóli Íslands áskilur sér rétt til að hafna öllum umsóknum. Öllum umsóknum verður svarað þegar ákvörðun um ráðningu liggur fyrir.
Ráðning: 12 mánuðir
Starfshlutfall er 50%
Umsóknarfrestur er til og með 28.02.2025
Nánari upplýsingar veitir
Ragnheiður I Þórarinsdóttir,
Sími: 433 5000
Guðmunda Smáradóttir,
Sími: 433 5000
