Störf í boði – Lektor í hestafræði

Starf lektors í hestafræði við Landbúnaðarháskóla Íslands (LbhÍ) er laust til umsóknar. LbhÍ býður upp á grunn- og framhaldsnám í hestafræði og myndi viðkomandi koma að uppbyggingu námsins og kennslu, auk þess að sinna rannsóknum tengdum íslenska hestinum.

• Byggja upp og leiða alþjóðlega viðurkenndar rannsóknir í hestafræði með áherslu á íslenska hestinn

• Birta ritrýndar vísindagreinar, afla rannsóknarstyrkja og taka virkan þátt í alþjóðlegu og innlendu samstarfi

• Kennsla og þróun námskeiða á grunn- og framhaldsstigi

• Leiðbeina nemendum í rannsóknaverkefnum

• Taka virkan þátt í faglegu þróunarstarfi og uppbyggingu innan háskólans

• Doktorspróf í búvísindum, hestafræði eða skyldum greinum

• Þekking og reynsla af rannsóknum í hestafræði

• Reynsla af kennslu, ásamt getu og vilja til fjölbreyttrar þekkingarmiðlunar á fræðasviðinu

• Skýr framtíðarsýn varðandi rannsóknir og þróun fræðasviðsins

• Geta til að vinna sjálfstætt og sem hluti af hóp

• Samstarfshæfni og lipurð í samskiptum

Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.

Um Landbúnaðarháskóla Íslands

Landbúnaðarháskóli Íslands er mennta- og rannsóknastofnun á sviði landbúnaðar, landnýtingar, umhverfisvísinda, landslagsarkitektúrs og skipulagsfræða. LbhÍ vinnur að sjálfbærri nýtingu auðlinda, hágæða landbúnaðarframleiðslu og leggur áherslu á umhverfisvernd og sjálfbærni í allri starfsemi sinni. LbhÍ veitir gráður á BSc, MSc og doktorsstigi ásamt því að bjóða upp á starfsmenntanám í búfræði á framhaldsskólastigi. LbhÍ er með tvær starfsstöðvar, á Hvanneyri og á Keldnaholti í Reykjavík.

Umsækjendur skulu láta fylgja umsókn sinni kynningarbréf auk vottorðs um námsferil sinn og störf, ritaskrá, skýrslu um vísindastörf og önnur störf sem þeir hafa unnið.

Við ráðningu í störf við LbhÍ er tekið mið af jafnréttisáætlun háskólans.

Landbúnaðarháskóli Íslands áskilur sér rétt til að hafna öllum umsóknum. Auglýsing getur gilt í allt að sex mánuði.

Öllum umsóknum verður svarað þegar ákvörðun um ráðningu liggur fyrir.