Mennta- og menningarmálaráðherra hefur ákveðið að hefja skuli undirbúning að tilfærslu starfsmenntanáms í garðyrkju og skyldum greinum við Landbúnaðarháskóla Íslands á Reykjum í Ölfusi undir yfirstjórn og ábyrgð Fjölbrautaskóla Suðurlands. Samhliða er lögð áhersla á að efla rannsóknir og nýsköpun á vegum Landbúnaðarháskólans.
Til að vinna að þessum áformum er stefnt að því að gera sérstakan þríhliða samning á milli Landbúnaðarháskóla Íslands, Fjölbrautarskóla Suðurlands og Mennta- og menningarmálaáðuneytisins, og er undirstrikað að tilfærslan hafi ekki áhrif á nemendur skólans.
