Opið er fyrir skráningar í réttindanám í meðferð varnarefna sem haldið er af Endurmenntun LBHÍ í samstarfi við Umhverfisstofnun og Vinnueftirlitið. Námið hefst miðvikudaginn 22. febrúar og lýkur með prófi fimmtudaginn 9. mars. Meðferð varnarefna er alfarið í fjarkennslu og geta nemendur sjálfir ákveðið hvenær þeir hlusta á fyrirlestra og tileinka sér námsefnið. Fjöldi sérfræðinga kemur að kennslu.
Hægt er að velja milli þriggja námsleiða, allt eftir því hvaða réttindi hver og einn er að leita eftir:
MEÐFERÐ VARNAREFNA - FULLT NÁM
Námið er ætlað þeim sem vilja öðlast notendaleyfi fyrir plöntuverndarvörum vegna notkunar í landbúnaði og garðyrkju og notendaleyfi fyrir notkun útrýmingarefna við eyðingu meindýra.
MEÐFERÐ ÚTRÝMINGAREFNA VIÐ EYÐINGU MEINDÝRA
Námið er einkum ætlað þeim sem vilja öðlast notendaleyfi fyrir útrýmingarefnum vegna notkunar við eyðingu meindýra.
MEÐFERÐ PLÖNTUVERNDARVARA
Námið er einkum ætlað þeim sem vilja öðlast notendaleyfi fyrir plöntuverndarvörum vegna notkunar í landbúnaði og garðyrkju, þar með talin garðaúðun.
Skráning og allar nánari upplýsingar á vef Endurmenntunar LBHÍ.
