Opið fyrir umsóknir í Framfarasjóð Ingibjargar Guðmundsdóttur og Þorvaldar Guðmundssonar í Síld og fisk

Framfarasjóður Ingibjargar Guðmundsdóttur og Þorvaldar Guðmundssonar í Síld og fisk auglýsir hér með eftir umsóknum.

Tilgangur sjóðsins er að styrkja nemendur Landbúnaðarháskóla Íslands (LbhÍ) til framhaldsmenntunar (náms til meistara- og doktorsgráðu) og til að styrkja rannsóknir nemenda á fagsviði LbhÍ. Við úthlutun styrkja er fyrst og fremst horft til námsárangurs nemandans og mikilvægi námsverkefnis hans fyrir viðkomandi fræðasvið. Einnig er horft til frumkvæðis og virkni umsækjenda í félagsstörfum og samfélagsverkefnum.

Umsóknarfrestur er til 2. maí 2023 og skal senda umsóknir á netfangið This email address is being protected from spambots. You need JavaScript enabled to view it..

Í umsókn skulu koma fram eftirtalin atriði:

• i. Nafn umsækjanda, kennitala, heimilisfang, sími og virkt netfang
• ii. Náms- og starfsferill umsækjanda
• iii. Meðmæli
• iv. Heiti verkefnis og stutt hnitmiðuð lýsing á verkefninu, sem nýta má til almennrar umfjöllunar og kynningar, hljóti verkefnið styrk
• v. Tímaáætlun verkefnis

Styrkúthlutun mun fara fram við skólaslit LbhÍ þann 2. júní nk.

Stjórn Framfarasjóðs Ingibjargar Guðmundsdóttur og Þorvaldar Guðmundssonar í Síld og fisk