Mánudaginn 2. júní verður opinn fundur kl. 12:15-13:15 í sal Þjóðminjasafnins. Monique Barbut, framkvæmdastýra Eyðimerkursamnings Sameinuðu þjóðanna, mun færa rök fyrir því að landgræðslumál og betri stjórn landnýtingar á heimsvísu geti hjálpað við aðlögun að lofslagsbreytingum og þurrkum; dregið úr fólksflótta og átökum vegna rýrnandi náttúruauðlinda og tryggt sjálfbæra landbúnaðar- og orkuframleiðslu. Ísland gegnir svo sannarlega hlutverki í þessu samhengi.
Sigurður Ingi Jóhannsson, umhverfis- og auðlindaráðherra, flytur upphafsávarp. Fundarstjóri er Guðrún Pétursdóttir, forstöðumaður Stofnunar Sæmundar fróða.
Fundurinn fer fram á ensku. Allir velkomnir.
Að fundinum standa utanríkisráðueytið, umhverfis- og auðlindaráðueytið, Stofnun Sæmundar fróða, Landbúnaðarháskóli Íslands, Landgræðsla ríkisins, Landgræðsluskóli Háskóla Sameinuðu þjóðanna og Alþjóðamálastofnun Háskóla Íslands.
