Margrét Helga Guðmundsdóttir hefur nú í vetur tímabundið sinnt grænu bókhaldi á rekstrarsviði. Margrét Helga er með BS próf í landslagsarkitektúr frá LbhÍ og hefur áður starfað við útistörf hjá skólanum á Hvanneyri. Þá hefur hún starfað sem verkefnastjóri á skipulagssviði Borgarbyggðar sem lögreglumaður víða um land sem og við aðhlynningu ásamt því að vera lærður heilsunuddari. Margrét Helga hóf störf nú í byrjun apríl sem umsjónarmaður útisvæða á Hvanneyri og mun leiða þá vinnu í sumar.
„Ég er mjög spennt fyrir starfinu sem spannar fjölbreytt verkefni við viðhaldi, þróun og skipulag á útisvæðum hjá LBHÍ. Ég hef alltaf haf mikinn áhuga á náttúrunni, garðyrkju og hönnun svo þetta starf sameinar þau áhugamál. Núna er bara krossa fingur og vona að veðrið verði með okkur í liði í sumar!“
Við bjóðum Margréti Helgu innilega velkomna til starfa!
