Undirritaður hefur verið samningur milli Landbúnaðarháskóla Íslands og Umhverfisstofnunar um að nemendur sem ljúka námi í Náttúru- og umhverfisfræði hjá LBHÍ geti geti fengið landvarðarréttindi að námi loknu.
Markmið samstarfsins er að efla nám í landvörslu með því að styrkja samstarf Umhverfisstofnunar og LBHÍ með það fyrir augum að nýta sem best sérþekkingu og aðstöðu sem samningsaðilar búa yfir.
Þeir nemendur sem ljúka BS prófi í Náttúru- og umhverfisfræði og hafa jafnframt lokið námskeiðunum Náttúruvernd og túlkun og Landvarsla og öryggi á náttúruverndarsvæðum geta óskað eftir staðfestingu frá Umhverfisstofnunar um að geta kallað sig landverði og tekið að sér störf sem slíkir.
