Í dag var ritað undir samkomulag um akademískt gestastarf við Guðmund Halldórsson, rannsóknarstjóra Landgræðslunnar. Um er að ræða stöðu gestaprófessors við Umhverfisdeild.
Guðmundur lauk BS prófi í líffræði frá HÍ árið 1977; prófi í uppeldis- og kennslufræði frá sama skóla vorið 1979 og loks Ph.D. prófi í landbúnaðarvísindum frá Landbúnaðarháskólanum í Kaupmannahöfn vorið 1985, með skordýr á landbúnaðarplöntum sem aðalgrein. Guðmundur hefur starfað hjá Landgræðslunni um árabil en var áður hjá Skógrækt ríkisins. Áhersla Guðmundar í starfi er einkum á rannsóknir á smádýralífi á landgræðslu- og skógræktarsvæðum og áhrif skordýra á framvindu plöntuvistkerfa.
Guðmundur hefur komið að kennslu í Umhverfisdeild um nokkurt skeið. Það er mikill fengur að fá Guðmund til liðs við skólann með þessum hætti.
Á meðfylgjandi mynd eru f.v. Hlynur Óskarsson, deildarforseti Umhverfisdeildar, Guðmundur Halldórsson og Ágúst Sigurðsson, rektor.
