Tormod Amundsen stofnaði og rekur fyrstu og einu arkitektastofu heims, með sérþekkingu á fuglum og fuglaskoðun, Biotope. Stofan notar hönnun sem verkfæri til að vernda og efla dýralíf og náttúru með áherslu á vistvæna ferðamennsku og náttúruverndarsvæði.
Tormod Amundsen, gestakennari, verður með opinn fyrirlestur um verkefni sín mánudagskvöldið 23.september kl 20.30 í Ásgarði, aðalbyggingu LbhÍ á Hvanneyri. Allir eru velkomnir.
Fyrirlesturinn tekur um 40 mín og fer fram á ensku, á eftir verða umræður um efnið. Þá mun Sigurjón Einarsson fuglaljósmyndari sýna myndir sem hann hefur tekið af fuglum á svæðinu og ræða sína sýn.
Tormod kemur hingað til lands í gegnum Erasmus + sem er styrkjaáætlun ESB fyrir mennta- æskulýðs- og íþróttamál 2014 – 2020. Tormod Amundsen stofnaði og rekur fyrstu og einu arkitektastofu heims, með sérþekkingu á fuglum og fuglaskoðun, Biotope.
Stofan notar hönnun sem verkfæri til að vernda og efla dýralíf og náttúru með áherslu á vistvæna ferðamennsku og náttúruverndarsvæði. Þá hefur Tormod staðið fyrir fuglaskoðunarhátíð í Varanger, nyrst í Noregi. En henni er ætlað að vekja athygli á ríku fuglalífi svæðisins og hvernig það getur nýst samfélaginu. Biotope hefur unnið að verkefnum á Íslandi og er með röð verkefna í gangi á Norðausturlandi, þar sem 3 náttúruskýli eru þegar tilbúin sem hluti af stærri uppbyggingaráætlun fyrir valda áfangastaði.
Verndarsvæðið í Andakíl var friðlýst sem búsvæði blesgæsa árið 2002. Landsvæðið var stækkað árið 2011 og er nú 3.086 ha að stærð, nær yfir 14 jarðir í Andakíl. Svæðið er friðlýst sem búsvæði fugla og er einn af mikilvægustu áningarstöðum grænlenska blesgæsastofnsins á Íslandi. Árið 2013 var svæðið skráð á lista Ramsar-samningsins yfir alþjóðlega mikilvæg votlendissvæði. Fjölbreytt fuglalíf er sannarlega ein af perlum Hvanneyrar. Allir áhugasamir um uppbyggingu fuglaskoðunar sem möguleika á uppbygginu á vistvænni ferðamennsku eru hvattir til að koma.
Að fyrirlestrinum standa umhverfisskipulagsbraut LbhÍ og alþjóðaskrifstofa LbhÍ
