Hefur þú áhuga á að dýpka skilning þinn á því hvernig völd og hagsmunir hafa áhrif á þróun og mótun skipulags?

Endurmenntun Landbúnaðarháskóla Íslands býður upp á nokkur pláss á námskeiði sem er hluti af MS námi í skipulagsfræði við Landbúnaðarháskóla Íslands og metið til 4 ECTS eininga.

Á námskeiðinu er fjallað um muninn á milli fræðilegrar skipulagsvinnu (idea of planning) og raunverulegrar þróunar þéttbýlis þar sem völd og valdatafl hefur bein og óbein áhrif á skipulagsmál.

Markmið námskeiðsins er að auka þekkingu á flóknu samspili stefnumótunar í skipulagsmálum, íbúalýðræði og hagsmunum ólíkra hagaðilar sem oft hafa ólíkar hugmyndir um skipulagsmál. Takmarkið er að nemendur þrói með sér djúpstæðan og nothæfan skilning á því hvernig stefnumótun og skipulag eru samofin ólíkum stofnunum, hagfræðilegum og félagslegum forsendum, valdatengslum og orðræðum.

Umsóknarfrestur til og með 1. janúar 2025.

FJALLAÐ ER UM
- Hver á borgina? Hver ræður? Hver græðir og hver tapar?- Togstreituna milli draumsýnar og veruleika í skipulagsvinnu- Hvernig valdatafl í skipulagsvinnu getur birst í raunveruleikanum- Afleiðingar skipulagsákvarðana m.t.t. ólíkra hagsmunaaðila- Hvernig hagsmunaaðilar leita leiða til að hafa áhrif á framvindu skipulags- Mikilvægi íbúalýðræðis

FYRIR HVERJANámskeiðið hentar öllum sem vilja endurmennta sig á sviði skipulagsmála, skipulagsfræðingum, arkitektum, landslagsarkitektum, sveitarstjórnarfólki, kjörnum fulltrúum í nefndum sveitarfélaga og áhugafólki um skipulagsmál.

NÁMSMAT
70% verkefnavinna20% kynning á verkefni10% kynning á grein

KENNSLUFYRIRKOMULAGKennt á Teams með tveimur staðlotum (17. jan. og 7. feb.) á fyrri vorönn 2025. Stundaskrá og nánari upplýsingar hér. Staðlotur fara fram hjá LbhÍ á Keldnaholti í Reykjavík.

KENNARI
Sverrir Örvar Sverrisson skipulagsfræðingur og verkefnastjóri hjá Vegagerðinni.

VERÐ 49.000 kr.