Það var heiður að taka á móti góum gestum frá Kujalleq á suður Grænlandi í síðustu viku sem sótti heim Landbúnaðarháskóla Íslands á Hvanneyri. Í Kujalleq er kennd sauðfjárrækt og hefur sauðfjárbúskapur á Grænlandi notið góðs af samskiptum við íslenska sérfræðinga á sviðinu frá upphafi sauðfjárræktar á Grænlandi. Þá hafa einnig ungir bændur frá Grænlandi sótt þjálfun og menntun í sauðfjárrækt á Íslandi. Með þessari heimsókn er verið að endurvekja þessi tengsl og hefja ný samstarfsverkefni og samvinnu og tóku rektor og starfsfólk LbhÍ á móti bæjarstjóra Kujalleq Stine Egede, Tine Pars bæjarritari, Sten Lund atvinnuráðgjafi sveitafélagins, Hans Hansen landbúnaðarráðunautur, Mogens Humlekrig Greve frá Árósarháskóla og Tove Søvndahl Gant aðalræðismaður Grænlands á Íslandi.
