Jóhannes Kristjánsson tekur við í dag af Agli Gunnarssyni sem bústjóri Hvanneyrarbúsins. Aðalfundur Hvanneyrarbúsins fór fram í gær þar sem farið var yfir skýrslu stjórnar og formleg bústjóraskipti fóru fram auk venjulegra aðalfundarstarfa.
Viðstaddir fundinn voru Egill Gunnarsson fráfarandi bústjóri, Jóhannes Kristjánsson nýr bústjóri, Pétur Diðriksson stjórnarmeðlimur, Theodóra Ragnarsdóttir rekstrarstjóri LbhÍ, Gunnar Viðar Gunnarsson umsjónarmaður fasteigna LbhÍ, Jóhannes Sveinbjörnsson dósent, Björn Ingi Ólafsson fjósameistari, Eyjólfur Kristinn Örnólfsson aðjúnkt og Ragnheiður I. Þórarinsdóttir rektor auk Björns Þorsteinssonar prófessors, Eyþórs Einarssonar og Oddnýju Steinu Valsdóttur stjórnarmeðlimir, og Davíðs Arnar Einarssonar frá Grant Thornton sem voru í fjarfundi.
Þá í lok fundar var Agli þakkað fyrir framúrskarandi störf sem bústjóri síðast liðin 10 ár og Jóhannes boðinn innilega velkominn til starfa.
Skýrsla stjórnar og nánari upplýsingar um Hvanneyrarbúið og kennslubú skólans.
