Vilt þú öðlast grunnþekkingu á íslenskri náttúru, náttúrufari og vistkerfum?

• Viltu takast á við loftslags- og umhverfisbreytingar?

• Viltu rannsaka náttúruna – dýr, gróður, jarðveg, jökla og landslag?

• Viltu nota kort, gervitunglagögn og greiningartæki?

• Vilt þú hafa áhrif á hvernig náttúran er nýtt og vernduð?

• Viltu hafa áhrif á skipulag landnýtingar og umhverfismála á Íslandi?

• Viltu starfa við náttúruvernd, umhverfismat og sjálfbæra þróun?

• Viltu vinna sérfræðistörf tengd íslenskri náttúru og náttúruauðlindum

Námið í náttúru- og umhverfisfræði veitir þér breiða og þverfaglega grunnþekkingu í náttúrufræðum. Fjallað er um lífvana og lifandi þætti náttúrunnar og um samspili þessara þátta innbyrðis og við umhverfið í heild. Áhersla er lögð á að skilja virkni vistkerfa og vistfræðilegra ferla ásamt sjálfbærri nýtingu náttúrunnar.

Stúdentspróf eða annað framhaldsskólapróf sem háskólaráð telur jafngilt og mælir með.

Að auki er æskilegt að nemendur búi yfir hæfni á: 2. hæfniþrepi í raungreinum, þ.e. efnafræði, eðlisfræði, líffræði og jarðfræði. 3. hæfniþrep í ensku, einkum hvað varðar lestur fræðitexta og 2. hæfniþrepi í stærðfræði, einkum almennar reikniaðferðir í algebru og jöfnureikningi.

Ljúka þarf 180 ECTS einingum til BS gráðu. Námið er skipulagt sem þriggja ára nám með 60 ECTS á ári. Skylt er að ljúka öllum áföngum fyrsta námsárs áður en nám er hafið á þriðja ári. Skyldunámskeið eru 168 ECTS. Nemendur ljúka námi með 10 ECTS lokaverkefni og BS-ritgerð.

Námsbraut í náttúru- og umhverfisfræði leggur áherslu á ferla í íslenskri náttúru, þar sem með þverfaglegri nálgun er horft á samspil ólífrænnna og lifandi þátta náttúrunnar í samhengi við nýtingu náttúrunnar.

Farið er í grunnatriði helstu lífveruhópa sem hér eru og hvernig lífvana umhverfi hefur áhrif á þessa hópa. Einnig er sjónum beint að hvernig megi nýta náttúruna á sjálfbæran hátt

Hjá okkur er öflug Alþjóðaskrifstofa og Alþjóðafulltrúi LBHÍ hjálpar nemendum og starfsfólki að fara í nám og samstarf erlendis. Þar á meðal eru skiptinám í gegnum Erasmus+ og Nordplus, auk annarra spennandi alþjóðlegra verkefna. Hér færðu upplýsingar og aðstoð við að sækja um skiptinám, styrki og tækifæri til að læra og starfa með fólki frá öðrum löndum.

Náttúru- og umhverfisfræðingar starfa á fjölbreytilegum vinnustöðum og við hin ýmsu verkefni. Til dæmis má nefna: Opinberar stofnanir eins og Náttúrufræðistofnun, Umhverfisstofnun, Landgæðslu og skóg, Haf og vatn, Veðurstofuna og fleiri. Hjá sveitarfélögum starfa náttúrufræðimenntaðir einstakleingar t.d. við skipulagningu og umhirðu opinna svæða, kortlagningu á landi, byggingum og innviðum.

Námið kjörið fyrir þá sem hyggjast afla sér kennsluréttinda í náttúrufræðum á grunn- og framhaldsskólastigi.

Nemendur sem taka fyrirfram skilgreinda áfanga geta fengið námið metið til landvarðaréttinda hjá Umhverfisstofnun.

Við skólann starfar öflugt nemendafélag, Nemendafélag LBHÍ og undir því eru virkir klúbbar sem sjá um mismunandi viðburði yfir árið. Kúavinafélagið Baula Hestamannafélagið Grani Hrútavinafélagið Hreðjar Skógræktarfélagið Dafnar Genus Loci félag landslagsarkitektanema Geitavinafélagið Auður.

Alþjóðafulltrúi Landbúnaðarháskóla Íslands vinnur að því efla samstarf við erlenda háskóla og stofnanir og hefur umsjón með nemenda- og kennaraskiptaáætlunum á borð við Nordplus og Erasmus+ . Alþjóðafulltrúi stuðlar að aukinni þátttöku háskólans í ýmsum áætlunum Evrópusambandsins á sviði vísinda, menntunar og þjálfunar.

Alþjóðafulltrúi veitir nemendum og kennurum upplýsingar um erlent samstarf LbhÍ og þau tækifæri sem þar liggja. Má þar m.a. nefna umsóknir um styrki til nemenda- og kennaraskipta.

Nánar

.