Tómas Halldórsson hefur verið ráðinn sem sérfræðingur á sviði upplýsingafræða og fjarkönnunar hjá deild Náttúru og skóga. Tómas er með MS gráðu í landupplýsinga- og fjarkönnunarfræðum frá háskólanum í Lundi, BS gráðu í jarðfræði frá Háskóla Íslands og diplómapróf í kennslufræðum frá sama skóla. Þá hefur Tómas lokið námi í landvörslu. Tómas hefur unnið sem landvörður í Vatnajökulsþjóðgarði, unnið sem aðstoðarkennari í landupplýsingafræði í HÍ og háskólanum í Lundi og starfað sem landupplýsingafræðingur hjá Landsvirkjun. Tómas hóf störf í byrjun september og er staðsettur á Keldnaholti.
„Það sem ég er einna helst að fást við í mínum daglegum störfum er að safna og greina upplýsingar um framboð náms á sviði fjarkönnunar og landupplýsingafræða, bæði á Íslandi og erlendis ásamt því að skoða eftirspurn í þeim fræðum á vinnumarkaði hérlendis.“
Við bjóðum Tómas innilega velkominn til starfa!
