Störf í boði - Staða kennsluforseta

Laus er til umsóknar staða kennsluforseta við Landbúnaðarháskóla Íslands (LbhÍ). Um er að ræða nýja stöðu við háskólann sem verður til vegna sameiningu þriggja fagdeilda LbhÍ. Um er að ræða krefjandi starf við ört vaxandi alþjóðlega menntastofnun sem krefst m.a. hæfni í breytingastjórnun og faglegri stjórnun í akademísku umhverfi.

Landbúnaðarháskóli Íslands er mennta- og rannsóknastofnun á sviði landbúnaðar, landnýtingar, umhverfisvísinda, landslagsarkitektúrs og skipulagsfræða. LbhÍ veitir BSc, MSc og PhD gráður ásamt því að bjóða upp á starfsmenntanám í búfræði á framhaldsskólastigi.

• Yfirumsjón með kennslu og námskrárgerð í samstarfi við deildarforseta, námsbrautarstjóra, kennslustjóra og annað starfsfólk kennsluskrifstofu

• Umsjón með útfærslu og samþættingu námsframboðs í samvinnu við námsbrautarstjóra

• Yfirsýn með mönnun námskeiða og umsjón með ráðningu stundakennara

• Yfirsýn og eftirfylgni með gæðum kennslu

• Yfirumsjón með málefnum nemenda er varða framvindu, umkvartanir eða annað í samvinnu við kennsluskrifstofu

• Fulltrúi LbhÍ í Miðstöð framhaldsnáms og aðalumsjón með framhaldsnámi háskólans

• Virk þátttaka í faglegu þróunarstarfi og uppbyggingu innan háskólans

• Doktorspróf og akademískt hæfi

• Samskiptahæfni, jákvæðni, drifkraftur og geta til að takast á við breytingar

• Leiðtogahæfileikar og geta til að hvetja aðra til árangurs

• Hæfni til að móta og miðla framtíðarsýn á sviði kennslumála

• Reynsla af umsjón með kennslu og námskrárgerð skilyrði

• Reynsla af starfi innan háskóla skilyrði

Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.

Rektor ræður kennsluforseta til fimm ára samkvæmt verklagsreglum sem háskólaráð LbhÍ setur og starfar kennsluforseti í umboði hans. Kennsluforseti getur að hámarki starfað í tvö ráðningartímabil.

Umsækjendur skulu láta fylgja umsókn sinni kynningarbréf auk vottorðs um námsferil sinn og störf, ritaskrá, skýrslu um vísindastörf og önnur störf sem þeir hafa unnið.

Við ráðningu í störf við LbhÍ er tekið mið af jafnréttisáætlun háskólans.

Landbúnaðarháskóli Íslands áskilur sér rétt til að hafna öllum umsóknum. Auglýsing getur gilt í allt að sex mánuði. Öllum umsóknum verður svarað þegar ákvörðun um ráðningu liggur fyrir.