Landbúnaðarháskóli Íslands stendur þessa dagana fyrir alþjóðlegum sumarskóla fyrir meistara- og doktorsnema um áhrif loftslagsbreytinga á náttúru og samfélög norðurslóða í samstarfi við Helsinki háskóla, Lundarháskóla, Árósaháskóla, Háskóla Grænlands og Landbúnaðaháskóla Eistlands. Námskeiðið nefnist: „Effects of climate change on Arctic ecosystems and societies“.
Það hófst þann 3 júlí s.l. í Nuuk í Grænlandi, en alls stendur það í tvær vikur, en seinni vikuna hefur hópurinn verið á Íslandi, á starfsstöð LbhÍ á Keldnaholti í Reykjavík. Þátttakendur eru alls 42 talsins og nemendurnir koma frá 14 mismunandi þjóðlöndum. Það má með sanni segja að hópurinn hafi lífgað upp á stemminguna hjá okkur á Keldnaholti.
Ef þú vilt vita meira um hvað við erum að bralla – þá bendum við þér á að fara inn á Twitter-síðu námskeiðsins: #ArcticCourse
Hópurinn heimsótti m.a. rannsóknaverkefnið FORHOT sem LbhÍ rekur í samstarfi við ýmsar innlendar og erlendar rannsóknastofnanir á Reykjum í Ölfusi (www.forhot.is). Ljósm. BDS
/ Bjarni Diðrik (
