Ruth Phoebe Tchana Wandji ver doktorsritgerð sína á sviði Náttúru - og umhverfisfræði við deild Náttúru og skóga við Landbúnaðarháskóla Íslands.
Ritgerð Ruth Phoebe ber heitið „Effects of soil warming on growth processes of unmanaged subarctic grasslands“ sem á íslensku er Áhrif jarðvegshlýnunar á vaxtarferla í náttúrulegum graslendum.
Vörnin fer fram þann 26 júni nk. á Keldnaholti, Árleyni 22, Reykjavík og hefst klukkan 9:00. Vörninni verður einnig streymt á Teams. Vörnin fer fram á ensku. Hlekkur kemur inn hér þegar nær dregur.
Leiðbeinendur Ruth Phoebe eru Professor. Bjarni Diðrik Sigurðsson Landbúnaðarháskóla Íslands, Dr. Peter Lootens og Dr. Iolanda Filella. Andmælendur eru Assistant Professor, Rúna Magnússon, Wageningen University & Research, í Hollandi og Dr, Guðrún Óskarsdóttir, Náttúrustofa Austurlands, Íslands.
Ágrip
Vaxtarferlar norðlægra plantna eru samspil lífeðlisfræðilegra og lífefnafræðilegra ferla sem tryggja að hæfilegur þroski og vöxtur náist innan fremur stuttra vaxtartímabila þannig að þær verði fullþroska með getu til að fjölga sér.
Á síðustu áratugum hefur veðurfar breyst, einkum á norðurslóðum, sem er farið að valda örari breytingum á gróðurfari þar en víðast annars staðar. Vegna þessa er mikilvægt að rannsaka hvernig frekari hlýnun hefur áhrif á gróður norðurslóða, þ.m.t. á Íslandi.
Það eru 18 rannsóknir í gangi í heiminum þar sem allur jarðvegsprófíllinn er hitaður til að líkja eftir framtíðar hlýnun og áhrifum hennar á gróður og jarðveg. ForHot verkefnið á Íslandi er eitt þeirra. Það nýtir einstakar aðstæður á Íslandi þar sem jarðskjálftavirkni hefur valdið því að berggrunnur hitnar á ákveðnum svæðum og hitar jarðveginn sem á honum hvílir.
Í ForHot eru alls sex vistkerfistilraunir sem skoða áhrif mismikillar hlýnunar, lengd hlýnunar eða N-ákomu í mismunandi gróðurlendum. Í mínu verkefni nýtti ég tvær af þessum tilraunum sem eru í náttúrulegum graslendum, MTW tilraunina sem inniheldur reiti með þar sem hlýnunin hófst árið 2008 og LTW tilraunina með sambærilegum reitum en þar sem hlýnunin hefur staðið yfir í >60 ár.
Til að skilja betur hvernig frekari jarðvegshlýnun hefur áhrif gróður og hvort lengd hlýnunarinnar skiptir máli, þá rannsökuðum við fyrst hvernig áhrifin hafa verið á fyrsta skrefið í vaxtarferli plantna, ljóstillífunargetu. Því næst rannsökuðum við hvort bæði vaxtarferill og æxlunarferill platna breyttist við hlýnunina, bæði með hefðbundnum aðferðum og fjarkönnun Að lokum rannsökuðum við hvernig jarðvegshlýnun hefur breytt ofanjarðar framleiðni (ANPP) í graslendunum og hversu mikill árabreytileiki er í ANPP þeirra.
Helstu niðurstöður voru þær að þrátt fyrir að ljóstillífunargeta gróðurs ykist ekki per laufflatarmál, þá gerði lengri vaxtartími með ljóstillífun og meira laufflatarmál á hvern m2 (aukið NDVI) það að verkum að ANPP jókst marktækt við hlýnun í báðum graslendunum. Hins vegar minnkað hlutfallsleg aukning í ANPP með aukinni langtíma hlýnun sem sennilega tengdist tapi á köfnunarefni út úr vistkerfinu í hlýnandi jarðvegi. Hversu langt var liðið frá því að hlýnun hófst, áratugur eða >6 áratugir, hafði ekki mikil áhrif á grósku ofanjarðar í graslendunum.
