Við brautskráningu frá Landbúnaðarháskóla Íslands hinn 6. júní sl. var úthlutað úr Minningarsjóði Hjartar Snorrasonar og Ragnheiðar Torfadóttur. Sjóðurinn var stofnaður til minningar um Hjört Snorrason og Ragnheiði Torfadóttur skólastjórahjón á Hvanneyri af sonum þeirra á 75 ára afmæli Hvanneyrarskólans árið 1964.

Sjóðurinn veitir árlega verðlaun við brautskráningu búfræðinga og að þessu sinni var það Kristín Ólafsdóttir sem hlaut viðurkenningu sjóðsins fyrir góðan árangur í námsdvöl. Auk þess hlaut Kristín verðlaun Bændasamtaka Íslands fyrir frábæran árangur á búfræðiprófi, verðlaun Búnaðarsamtaka Vesturlands fyrir góðan árangur í hagfræðigreinum og verðlaun RML fyrir góðan árangur í búfjárræktargreinum.

Við óskum Kristínu innilega til hamingju með árangurinn.