Út er komið Rit LbhÍ nr. 87 - Arfgeng hreyfiglöp (familial episodic ataxia) hjá lömbum undan hrútnum Breka. Höfundur ritsins er Charlotta Oddsdóttir, lektor við LbhÍ.
Ritið tekur saman athuganir á lömbum með einkenni arfgengra hreyfiglapa. Lömbin voru undan hrútnum Breka ne árið áður hafði stórt hlutfall lamba undan honum sýnt sambærileg einkenni. Í því skyni að rannsaka gallann var hrútnum hleypt til sex áa á Hesti og lömbin undan þeim rannsökuð. Einnig er fjallað almennt um klíníska skoðun á sauðfé með taugaeinkenni og arfgenga taugasjúkdóma sem þekkjast í ungviði búfjár. Í lok skýrslunnar er enn fremur sagt frá tveimur tilfellum svipaðra einkenna sem borist hafa til rannsóknar á Keldum. Tilgangurinn var að safna saman í eitt rit upplýsingum sem nota megi til rannsókna á slíkum kvillum í framtíðinni.
Rannsóknin var styrkt af Þróunarsjóði sauðfjárræktarinnar.
