Mánudaginn 4. september kynntu nemar Landgræðsluskóla Háskóla Sameinuðu þjóðanna niðurstöður rannsóknarverkefna sinna á málstofu sem haldin var á starfsstöð Landbúnaðarháskóla Íslands á Keldnaholti í Reykjavík. Málstofan fór fram í Geitaskarði á 2. hæð, frá kl. 10:00-12:00 og 13:00-15:00.
Í ár nema 14 sérfræðingar við Landgræðsluskólann. Þau koma frá Níger, Gana, Eþíópíu, Úganda, Lesótó og Malaví í Afríku og Mongólíu og Úsbekistan í Mið-Asíu. Í heimalöndum sínum starfa þau sem sérfræðingar við háskóla, ráðuneyti, rannsókna- og eftirlitsstofnanir og héraðsstjórnir á sviði landnýtingar- og landverndarmála. Hálfs árs námi þeirra við Landgræðsluskólann er senn að ljúka og eftir að námi þeirra lýkur hér á landi, halda þau til síns heima og halda áfram sínum störfum.
Verkefnin sem kynnt voru á málstofunni voru afar fjölbreytt, eins og sjá má af dagskránni hér.
