Lektor í jarðrækt

Staða lektors í jarðrækt við Landbúnaðarháskóla Íslands (LbhÍ) er laus til umsóknar. Rannsóknir LbhÍ takast á við mikilvægar áskoranir í jarðrækt og þróun sjálfbærra landbúnaðarhátta á tímum mikilla loftslagsbreytinga. Fjölbreytilegar umhverfisaðstæður á Íslandi bjóða upp á einstakt tækifæri til að rannsaka aðlögun fóðurjurta og ræktunarkerfa fyrir mismunandi búrekstur á norðlægum slóðum. Starfsmaðurinn á að gegna lykilhlutverki í að efla þessar rannsóknir með sérþekkingu sinni í jarðræktarfræðum og stuðla að nýsköpun, aukinni sjálfbærni og þekkingu.

Um Landbúnaðarháskóla Íslands

Landbúnaðarháskóli Íslands (LbhÍ) er mennta- og rannsóknastofnun á sviði landbúnaðar, landnýtingar, umhverfisvísinda, landslagsarkitektúrs og skipulagsfræða. LbhÍ vinnur að sjálfbærri nýtingu auðlinda, hágæða landbúnaðarframleiðslu og leggur áherslu á umhverfisvernd og sjálfbærni í allri starfsemi sinni. LbhÍ veitir gráður á BSc, MSc og doktorsstigi ásamt því að bjóða uppá starfsmenntanám í búfræði á framhaldsskólastigi.

Um deildina

Staðan er innan deildar Ræktunnar og fæðu sem hefur það að aðalmarkmiði að deila og varðveita þekkingu og dýpka á sviði jarðræktar og búfjárfræða. Enn fremur er leitast við að efla nýsköpun í gegnum rannsóknir og kennslu. Viðfangsefni deildarinnar eru þverfagleg og blandast þar saman líffræðilegir, tæknilegir, efnahagslegir og samfélagslegir þættir sem tengjast landbúnaðarframleiðslu og áhrifum hennar á umhverfið og samfélagið í heild.

• Byggja upp alþjóðlega viðurkenndar rannsóknir í jarðrækt með áherslu á fóðurjurtir

• Birta ritrýndar vísindagreinar, afla rannsóknarstyrkja og taka virkan þátt í alþjóðlegu og innlendu samstarfi

• Kennsla og þróun námskeiða á grunn- og framhaldsstigi

• Leiðbeina nemendum í rannsóknaverkefnum

• Taka virkan þátt í faglegu þróunarstarfi og uppbyggingu innan skólans

• Doktorspróf í jarðrækt, öðrum landbúnaðarfræðum, plöntulífeðlisfræði eða öðrum greinum náttúruvísinda sem gagnast í jarðræktarrannsóknum

• Þekking og reynsla af rannsóknum í jarðrækt og/eða tengdum greinum

• Reynsla af kennslu, ásamt getu og vilja til fjölbreyttrar þekkingarmiðlunar á fræðasviðinu

• Skýr framtíðarsýn varðandi rannsóknir og þróun fræðasviðsins

• Geta til að vinna sjálfstætt og sem hluti af hóp

• Samstarfshæfni og lipurð í samskiptum

Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.

• Umsækjendur eru vinsamlegast beðnir um að láta ferilskrá, kynningarbréf, prófskírteini auk ritskrá fylgja umsókn sinni.

• Athygli er vakin á því að samkvæmt reglum LbhÍ er rektor heimilt að veita framgang í starf dósents eða prófessors strax við nýráðningu ef umsækjandi uppfyllir viðkomandi hæfnisviðmið.

• Landbúnaðarháskóli Íslands áskilur sér rétt til að hafna öllum umsóknum.

• Öllum umsóknum verður svarað þegar ákvörðun um ráðningu liggur fyrir.