Laus staða: Verkefnastjóri Landgræðsluskólans - GRÓ LRT

Landgræðsluskólinn (GRÓ LRT) óskar eftir að ráða verkefnastjóra tímabundið í spennandi og fjölbreytt starf. Um er að ræða fullt starf frá 15. febrúar 2026 - 31. október 2026.

Landgræðsluskólinn er hýstur hjá Landbúnaðarháskóla Íslands og er hluti af GRÓ Þekkingarmiðstöð þróunarsamvinnu, sem starfar undir hatti UNESCO. Markmið skólans er að þjálfa sérfræðinga sem starfa hjá stofnunum á sviði landgræðslu og sjálfbærrar landnýtingar í samstarfslöndum skólans í Afríku og Mið-Asíu.

Landgræðsluskólinn er hluti af alþjóðlegri þróunarsamvinnu Íslands og er kostaður af opinberum fjármunum utanríkisráðuneytisins til þróunarsamvinnu. Stærsta verkefni skólans ár hvert er 6 mánaða þjálfun á Íslandi fyrir starfandi fagfólk í samstarfslöndunum þar sem mikil áhersla er lögð á hagnýtingu þekkingar.

• Þátttaka í faglegri þróun náms og uppbyggingu skólans

• Þátttaka í kennslu og daglegu skipulagi námsins

• Umsjón með náms- og kennslumati

• Umsjón með verkefnavinnu nemenda í samvinnu við leiðbeinendur

• Þátttaka í verkefnum er lúta að námskeiðum og vinnustofum í samstarfslöndum

• Miðlun faglegra upplýsinga í töluðu og rituðu máli

• Gæðaeftirlit og eftirfylgni er varðar niðurstöður gæðaúttekta

• Önnur tilfallandi verkefni

• Meistaragráða á fagsviðum sem tengjast landgræðslu, vistheimt og sjálfbærri landnýtingu

• Reynsla af rannsóknum og kennslu

• Hæfni til að vinna sjálfstætt og sem hluti af teymi

• Jákvæðni, lausnamiðuð nálgun og framúrskarandi samskiptahæfni

• Reynsla af störfum á alþjóðavettvangi svo sem þróunarsamvinnu kostur

• Góð enskukunnátta í töluðu og rituðu máli

• Íslenskukunnátta er æskileg

Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.

Hlutverk Landbúnaðarháskóla Íslands er að skapa og miðla þekkingu á sviði sjálfbærrar þróunar samfélags, nýtingar auðlinda, umhverfis- og loftlagsmála, skipulags, hönnunar og matvælaframleiðslu.

Við ráðningu í störf hjá Landbúnaðarháskóla Íslands er tekið mið af jafnréttisáætlun stofnunarinnar.