Keppendur á Skeifudaginn 2017
Harpa Björk Eiríksdóttir hlaut Morgunblaðsskeifuna, sem veitt hefur verið í 60 ár.
Maja Vilstrup með Reynisbikarinn.
Skeifudagurinn er útskriftardagur í Reiðmannsnámskeiðinu. Hér má sjá útskriftarnemendur 2017.
Skeifudagurinn, keppni nemenda í reiðmennsku II við LbhÍ, fór fram á Mið-Fossum í Skorradal fyrsta dag sumars. Að hátíðinni stendur Hestamannafélagið Grani á Hvanneyri og fór dagurinn fram eins og best er á kosið. Að lokinni keppni var kaffihlaðboð í Ásgarði á Hvanneyri þar sem hið vinsæla folatollahappdrætti fór fram þar sem vinningar eru gjafabréf fyrir handhafa að leiða hryssu sína undir hina ýmsu stóðhesta og búa til framtíðargæðinga. Um 300 miðar seldust enda til mikils að vinna fyrir áhugasamt hestafólk. Aðstandendur að keppninni voru ánægðir með daginn en í ár er hann haldinn í 61. sinn.
Gunnarsbikarinn er gefin til minningar um Gunnar Bjarnason fyrrum hrossaræktarráðunaut, en nemendur keppa í fjórgangi.
Úrslit urðu eftirfarandi:
1.sæti Bryndís Karen Pálsdóttir
2. sæti Sigurður Kristmundsson
3. sæti Hugrún Björt Hermannsdóttir
4. sæti Þráinn Ingólfsson
5. sæti Kristján Valur Sigurjónsson.
Félag tamningamanna gefur verðlaun þeim nemanda sem þykir sitja hest sinn best og þau verðlaun hlaut Bryndís Karen Pálsdóttir.
Eiðfaxabikarinn hlutu Sigríður Linda Hyström og Alex Rafn Elfarsson en hann er veittur þeim nemanda sem hlýtur hæstu einkunn í bóklegum áfanga (Hestafræði). Sigríður og Alex voru sameiginlega með hæstu einkunina.
Framfaraverðlaun Reynis eru veitt þeim nemanda sem sýnt hefur hvað mestan áhuga, ástundun og tekið hvað mestum framförum í Reiðmennsku. Þau verðlaun hlaut Þráinn Ingólfsson.
Morgunblaðsskeifuna hlaut Harpa Björk Eiríksdóttir en önnur sæti skipuðu:
2. sæti Kristján Valur Sigurjónsson
3. sæti Bryndís Karen Pálsdóttir
4. sæti Þráinn Ingólfsson
5. sæti Sigurður Kristmundsson
Skeifudagurinn er einnig útskriftardagur nemenda í námskeiðinu Reiðmaðurinn sem er tveggja ára starfsmenntanám ætlað þeim sem vilja bæta reiðmennsku sína.
Reiðmannsnemendur keppa um Reynisbikarinn sem gefinn er ef fjölskyldu Reynis Aðalsteinssonar, upphafsmann Reiðmannsnámskeiðisins.
Úrslitin fóru þannig:
1. sæti Maja Vilstrup á Forsjá frá Túnsbergi
2. sæti Jenny Eriksson
3. sæti Gunnar Jónsson
4. sæti Bragi Viðar Gunnarsson
5. sæti Matthildur María Guðmundsdóttir
Myndir tók Auður Ósk Sigþórsdóttir.
