Endurmenntun Landbúnaðarháskóla Íslands býður upp á hagnýtt grunnnámskeið í bókhaldi sem er sérsniðið að þörfum bænda og rekstraraðila í landbúnaði. Námskeiðið veitir góðan grunn í bókhaldi og hentar öllum sem hafa takmarkaða þekkingu á því sviði. Um leið er námskeiðið góður undanfari fyrir námskeið í dkBúbót sem haldið er 29. janúar nk. á vegum Endurmenntunar LbhÍ.
Þættir sem farið er yfir á námskeiðinu:
- Grunnatriði bókhalds og skráning færslna
- Flokkun og greining tekna og gjalda í búrekstri
- Reikningagerð og virðisaukaskattur
- Laun og launavinnslur
- Skýrslur, afstemmingar og undirbúningur fyrir skattaskil
- Yfirlit yfir notkun bókhaldsforrita eins og dkBúbót
Námskeiðið er í fjarkennslu og fyrirlestrar aðgengilegir allan sólarhringinn á kennsluvef skólans og fá þátttakendur 1 viku til að fara yfir og tileinka sér námsefnið.
Kennari er Ólafur Haukur Magnússon, M.Acc., aðjúnkt við Landbúnaðarháskóla Íslands. Ólafur Haukur hefur margra ára reynslu af fjármálum og rekstri og hefur lengi kennt námskeiðin Bókhald í búrekstri og Fjárhagsbókhald við LbhÍ.
Skráning og nánari upplýsingar á vef Endurmenntunar: bokhald | Endurmenntun
