Viltu læra allt um sjálfbærs skógrækt, skógarnýtingu og vistheimt á illa förnu landi?

• ·Hefur þú áhuga á trjám?
• Vilt þú geta ræktað skóg?
• Hefur þú gaman af grænu umhverfi?
• Ertu forvitin(n) um gagnsemi og nýtingarmöguleika skóga?
• Langar þig að græða landið?

Stúdentspróf eða annað framhaldsskólapróf, sem háskólaráð telur jafngilt og mælir með.

Í náminu er lögð áhersla á sjálfbæra skógrækt, skógarnýtingu og á vistheimt á illa förnu landi. Ekki er boðið upp á hliðstæða samsetningu náms við aðra íslenska háskóla. Á brautinni er fléttað saman námsgreinum á sviði náttúruvísinda, skógfræði, vistheimtar, tæknifræði, stjórnunar og hagfræði og einnig er farið inn á svið landupplýsinga og landslagsfræða. Lögð er áhersla á að veita nemendum traustan vísindalegan grunn og um leið að búa þá sem best undir störf sem fræðimenn, stjórnendur eða sjálfstæðir atvinnurekendur. Áhersla er lögð á skóginn, bæði sem endurnýjanlega hráefnisauðlind á Íslandi og sem vistkerfi sem veitir margvíslega vistþjónustu. Í náminu er fFjallað er um ræktunartækni skógræktar, sjálfbæra nýtingu og umhirðu skóglenda, aðlögun að landslagi, vandaða áætlanagerð og skipulag framkvæmda sem og nýsköpun. Þá er einnig lögð áhersla á fræðilegan grunn og hagnýta þekkingu á sviði vistheimtar og sjálfbærrar landnýtingar.

Ljúka þarf 180 ECTS einingum til BS gráðu. Námið er skipulagt sem þriggja ára nám með 60 ECTS á ári. Í námi til BS-prófs í skógfræðum eru 152 ECTS í kjarna og 18 ECTS í vali.

Fjallað er um sjálfbæra nýtingu náttúruauðlinda með áherslu á skógrækt og endurheimt landgæða, sem eru mikilvæg markmið þegar kemur að landnýtingu á Íslandi.

Tekist er á við grundvallaratriði vísindalegrar menntunar, en námið tekur nemendur jafnframt vel út fyrir mörk hefðbundinna fræðigreina.

Boðið er upp á staðnám og fjarnám.

Hjá okkur er öflug Alþjóðaskrifstofa og Alþjóðafulltrúi LBHÍ hjálpar nemendum og starfsfólki að fara í nám og samstarf erlendis. Þar á meðal eru skiptinám í gegnum Erasmus+ og Nordplus, auk annarra spennandi alþjóðlegra verkefna. Hér færðu upplýsingar og aðstoð við að sækja um skiptinám, styrki og tækifæri til að læra og starfa með fólki frá öðrum löndum.

Nemendur sem ljúka BS í skógfræði fá starfsheitið skógfræðingur og geta sótt um aðild að fagfélaginu Skógfræðingafélag Íslands.

Umsvif skógræktar og landgræðslu eru að aukast og hefur þörf fyrir fólk með trausta fagþekkingu á þessu sviði stóraukist. Einnig eru að verða til lítil verktakafyrirtæki víða um land sem sérhæfa sig á þessu sviði og selja þjónustu sína til bænda, sveitarfélaga og annarra landeigenda.

Námið er þverfaglegt og nýtist einkar vel til starfa hjá hinu opinbera eða til sjálfstæðrar atvinnustarfsemi innan græna geirans. Ennfremur opnast margvísleg önnur atvinnutækifæri, t.d. í kennslu, landbúnaði, blaðamennsku og stjórnsýslu.

Einnig opnast möguleikar á störfum erlendis sem varða skógfræði og landgræðslu, t.d. í sambandi við þróunarverkefni í þriðja heiminum, þar sem skógar- og jarðvegseyðing er oftar en ekki undirrót vandamála sem leysa þarf þar.

Við skólann starfar öflugt nemendafélag, Nemendafélag LBHÍ og undir því eru virkir klúbbar sem sjá um mismunandi viðburði yfir árið. Kúavinafélagið Baula Hestamannafélagið Grani Hrútavinafélagið Hreðjar Skógræktarfélagið Dafnar Genus Loci félag landslagsarkitektanema Geitavinafélagið Auður.