Landslagsarkitektúr

Landslagsarkitektúr er fjölbreytt og víðfeðmt nám sem sameinar hönnun og þekkingu á náttúru- og umhverfisfræðum við félagslega þætti. Í náminu er lögð áhersla á vistvæna nálgun og sjálfbærni, með tilliti til sérstöðu Íslands. Landslagsarkitekt vinnur að því að bæta lýðheilsu og heilbrigði umhverfisins í samfélagi okkar.

Vilt þú hanna umhverfi fólks?

Umhverfi okkar þarf að vera þannig að fólki líði þar vel við leik og störf. Góð íbúðasvæði með samspili bygginga og opinna svæða auka á vellíðan og heilbrigði fólks. Gott skipulag landnotkunar í þéttbýli og dreifbýli er mikilvægt fyrir þá sem þar búa, enda hafa hönnuðir samspil náttúru, íbúa og hönnunar að leiðarljósi því er mikilvægt að mennta fólk á þessu sviði.

Brautarstjóri: Helena Guttormsdóttir

BS nám - 180 ECTS einingar

Sækja um

Af hverju landslagsarkitektúr?

Umhverfið mótar manninn. Áhrif hans á það sem honum er næst geta verið umtalsverð. Þar má ekki kasta til höndum.

Umhverfi þarf að vera þannig að fólki líði vel við leik og störf. Góð íbúðasvæði með samspili bygginga og opinna svæða auka á vellíðan og heilbrigði fólksins. Gott skipulag landnotkunar í þéttbýli og dreifbýli er mikilvægt fyrir þá sem búa á viðkomandi stað, enda hafi hönnuðir haft samspil náttúru, íbúa og hönnunar að leiðarljósi. Um leið þurfa þeir að leggja áherslu á sjálfbærni,vistvæna nálgun auk sérstöðu náttúru og samfélags.

Skipulag náms í landslagsarkitektúr 2025-2026

Námsskrá

Nám í Landslagsarkitektúr er 3ja ára BS-nám sem veitir þér þekkingu á hönnun, skipulagi og nýtingu útirýma með áherslu á íslenskar aðstæður. Námið sameinar náttúruvísindi, hönnun og skipulagsfræði og lögð er áhersla á þverfaglega vinnu, raunveruleg verkefni í samstarfi við atvinnulífið og tengingu fræðilegrar og verklegrar nálgunar. Námið samanstendur af grunnfögum, t.d. vistfræði, jarðvegsfræði og kortafræði, og sérfögum með áherslu á hönnun, landslagsfræði, byggingafræði og nýtingu útivistarsvæða, auk félagslegra þátta.

Landslagsarkitektar framtíðarinnar mun koma að hönnun og áætlanagerð sem snertir á fagurfræði, náttúrulegum lausnum og verkefnum sem tengjast umhverfi mannsins og nýjum áskorunum tengdum loftslagsmálum og sjálfbærni. Atvinnuhorfur í framtíðinni eru mjög góðar og það er eftirspurn eftir sérþekkingu landslagsarkitekta.

Umsækjendur í Landslagsarkitektúr geta skila rafrænni möppu/portfolio (2-10 síður) með umsókn en það er ekki krafa. Sjá dæmi hér.

Markmiðið með möppunni er að nemandi sýni sinn persónulega stíl og kynni sig og áhuga sinn á landslagsarkitektúr á skapandi hátt. Mappan er nýtt til að kynnast umsækjendum betur og meta hæfileika nemanda til frumlegrar sköpunar og framsetningar á hugmyndum sínum.

Verkin í möppunni þurfa ekki að vera fullgerð og geta innihaldið hugmyndir, texta, skissur og teikningar og tæknilegar lausnir svo eitthvað sé nefnt. Nemandi skal hafa unnið að öllum verkunum og ef um hópastarf er að ræða skal það koma fram og það þarf að vera ljóst hvert hlutverk umsækjandans var.

Ljúka þarf 180 ECTS einingum til BS gráðu. Námið er skipulagt sem þriggja ára nám með 60 ECTS á ári. Skylt er að ljúka öllum áföngum fyrsta námsárs áður en nám er hafið á þriðja ári. Í námi til BS-prófs eru 154 ECTS í kjarna og 16 ECTS í vali. Nemendur ljúka námi með 10 ECTS lokaverkefni og BS-ritgerð. Nám í Landslagsarkitektúr fæst við samspil skipulags, íslenskar náttúru, félagslegra þátta og hönnunar. Nálgunin er nám i í náttúrutengdum fögum líkt og jarðvegsfræði, grasafræði og vistfræði í bland við greinar eins og teikningu, kortafræði, skipulagsfræði og tölvustudda hönnun. Námið er m.a. grunnur fyrir M.Sc. nám í landslagsarkitektúr og skipulagsfræðum.

Störf að loknu BS- námi í landslagsarkitektúr geta verið margvísleg, t.d. hjá opinberum aðilum, sveitarfélögum og ráðgjafafyrirtækjum, á teiknistofum landslagsarkitekta, skipulagsfræðinga, verkfræðinga og arkitekta, auk umsjónar með náttúruverndar- og útivistarsvæðum.

Með því að halda áfram í námi til meistaragráðu geta nemendur öðlast starfsréttindi sem landslagsarkitektar eða skipulagsfræðingar. Fólk sem hlotið hefur MS- gráðu vinnur að mótun umhverfis

í þéttbýli og dreifbýli. Það gegnir mikilvægu hlutverki við að skipuleggja umhverfi okkar daglega lífs og þarf stöðugt að vera vakandi fyrir vistvænum og sjálfbærum lausnum í þéttbýli sem dreifbýli.

Landslagsarkitektar og skipulagsfræðingar vinna meðal annars við skipulagningu á þróun byggðar og landnýtingar. Þeir hanna opin svæði, garða og torg, skólalóðir, útvistar- og ferðamannasvæði, kirkjugarða og vegastæði svo eitthvað sé nefnt. Þá má nefna að leitað er til landslagsarkitekta og skipulagsfræðinga þegar unnið að mati á umhverfisáætlunum og fleiri verkefnum sem tengjast skipulagsmálum og náttúrufræði.

Nánar um lífið sem nemandi í landslagsarkitektúr

Skoða verkefni nemenda Fylgið okkur á samfélagsmiðlum

Að loknu námi í landslagsarkitektúr

Störf að loknu BS- námi geta verið margvísleg, t.d. hjá opinberum aðilum, sveitarfélögum og ráðgjafafyrirtækjum, á teiknistofum landslagsarkitekta, skipulagsfræðinga, verkfræðinga og arkitekta, auk umsjónar með náttúruverndar- og útivistarsvæðum.

Með því að halda áfram í námi til meistaragráðu geta nemendur öðlast starfsréttindi sem landslagsarkitektar eða skipulagsfræðingar. Fólk sem hlotið hefur þessa gráðu vinnur að mótun umhverfis í þéttbýli og dreifbýli. Það gegnir mikilvægu hlutverki við að skipuleggja umhverfi okkar daglega lífs og þarf stöðugt að vera vakandi fyrir vistvænum og sjálfbærum lausnum í þéttbýli sem dreifbýli.

Landslagsarkitektar og skipulagsfræðingar vinna meðal annars við skipulagningu á þróun byggðar og landnýtingar. Þeir hanna opin svæði, garða og torg, skólalóðir, útvistar og ferðamannasvæði, kirkjugarða og vegastæði svo eitthvað sé nefnt. Þá má nefna að leitað er til landslagsarkitekta og skipulagsfræðinga þegar unnið að mati á umhverfisáætlunum og fleiri verkefnum sem tengjast skipulagsmálum og náttúrufræði.

Atvinnumöguleikar

Nemendur sem ljúka BS-námi eiga möguleika á störfum hjá teiknistofum landslagsarkitekta og öðrum fyrirtækjum sem starfa á svið hönnunar og skipulagsáætlana. Einnig ráða opinberar stofnanir og sveitarfélög til sín nemendur sem ljúka grunnnáminu frá Landbúnaðarháskólanum.

Skoða verkefni nemenda

BS gráða 180 ECTS