LBHIRannsóknirNám
Mynd sem tengist textanum

BS gráða 180 ECTS

Búvísindi

Í búvísindum lærir þú hagnýta líffræði og landbúnaðarfræði sem veitir undirbúning fyrir margvísleg störf tengd landbúnaði eða námi í dýralækningum. Nemendur sem klára námið starfa til dæmis við búrekstur, þjónustu- og leiðbeiningarstörf eða við kennslu og rannsóknir. Búvísindanám er góð undirstaða fyrir framhaldsnám og vísindastörf á sviði landbúnaðarfræða og er vöntun í heiminum á fólki með þessa menntun.

Vilt þú starfa við matvælaframleiðslu og ræktun lands?

Nám í búvísindum er 3 ára BS-nám sem veitir nemendum breiðan grunn í hagnýtri líffræði og landbúnaðarfræðum. Námið sameinar raunvísindi, jarðrækt, búfjárfræði með rekstrar- og tæknigreinum með áherslu á íslenskan landbúnað með sjálfbæra nýtingu auðlinda að leiðarljósi. Markmiðið er að undirbúa nemendur fyrir störf og verkefni tengd landbúnaði og landnýtingu, auk þess að leggja grunn að framhaldsnámi og fræðistörfum á sviði búvísinda. Námið fjallar meðal annars um jarðrækt, fóður og fóðrun, kynbætur, líffræði og velferð dýra auk grunngreina náttúruvísinda, s.s. efnafræði og líffræði.

Brautarstjóri er Helgi Eyleifur Þorvaldsson

Mynd sem tengist textanum

BS gráða - 180 ECTS einingar

Sækja um

  • Hefur þú áhuga á matvælaframleiðslu
  • Vilt þú geta ræktað land
  • Hefuru gaman af dýrum?
  • Ertu forvitin(n) um hagnýta líffræði?
  • Langar þig stuðla að sjálfbærni?

Stúdentspróf eða annað framhaldsskólapróf sem háskólaráð telur jafngilt og mælir með.

Að auki er æskilegt að nemendur búi yfir hæfni á: 2. hæfniþrepi í raungreinum, þ.e. efnafræði, eðlisfræði, líffræði og jarðfræði. 3. hæfniþrep í ensku, einkum hvað varðar lestur fræðitexta og 2. hæfniþrepi í stærðfræði, einkum almennar reikniaðferðir í algebru og jöfnureikningi.

Ljúka þarf 180 ECTS einingum til BS gráðu. Námið er skipulagt sem þriggja ára nám með 60 ECTS á ári. Skylt er að ljúka öllum námskeiðum fyrsta námsárs áður en nám er hafið á þriðja ári. Í námi til BS-prófs í búvísindum eru 146 ECTS í kjarna, 18 ECTS í bundnu vali, og 16 ECTS í öðru vali. Nemendur ljúka námi með 10 ECTS lokaverkefni og BS-ritgerð.

Alþjóðafulltrúi LBHÍ hjálpar nemendum og starfsfólki að taka þátt í námi og samstarfi erlendis. Þar á meðal eru skiptinám í gegnum Erasmus+ og Nordplus, auk annarra spennandi alþjóðlegra verkefna. Hér færðu upplýsingar og aðstoð við að sækja um skiptinám, styrki og tækifæri til að læra og starfa með fólki frá öðrum löndum.

Nám til BS-prófs veitir undirbúning fyrir margvísleg störf sem tengjast landbúnaði við ráðgjöf, kennslu og rannsóknir. Búvísindanám er einnig góður undirbúningur fyrir nám í dýralækningum, búrekstur eða störf hjá fyrirtækjum sem þjóna landbúnaði og atvinnurekstri í dreifbýli.

Við skólann starfar öflugt nemendafélag, Nemendafélag LBHÍ og undir því eru virkir klúbbar sem sjá um mismunandi viðburði yfir árið. Kúavinafélagið Baula Hestamannafélagið Grani Hrútavinafélagið Hreðjar Skógræktarfélagið Dafnar Genus Loci félag landslagsarkitektanema Geitavinafélagið Auður

Skipulag náms í búvísindum 2025-2026

Námsskrá

Framhaldsnám í búvísindum

Meistaranám (MS) í búvísindum eykur hæfni fólks til að starfa í leiðbeiningaþjónustu í hvers konar búrekstrartengdum störfum. Einnig er mögulegt að stunda rannsóknanám til doktorsgráðu á sumum sviðum búvísinda.

MeistaranámDoktorsnám
Mynd sem tengist textanum