EnCHiL

Ísland er einstakur staður til að leggja stund á þessa fræðigrein. Ósjálfbær landnýting í bland við erfiðar veðurfarsaðstæður og eldvirkni hafa haft mikil áhrif á vistkerfi landsins sem mörg hver eru í hnignuðu ástandi og hafa Íslendingar staðið fyrir skipulögðum aðgerðir á landsvísu sem til að sporna við jarðvegseyðingu og endurheimta vistkerfi í meira en 100 ár. Hér er því til staðar umfangsmikil sérfræðiþekking og hagnýt reynsla á sviði vistheimtar þar sem unnið er á mismunandi skala í ólíkum vistgerðum. Landbúnaðarháskólinn hefur um langt skeið gegnt stóru hlutverki í vísindarannsóknum, menntun og þjálfun fagfólks innan greinarinnar. LBHÍ hýsir einnig GRÓ LRT eða Landgræðsluskóla GRÓ í samvinnu við Land og skóg.

Námið í hnotskurn

Meistaranám í endurheimt vistkerfa er tveggja ára 120 ECTS þverfaglegt nám sem byggt er upp af skipulögðum námskeiðum og 30-60 ECTS rannsóknarverkefni. Námskeiðin eru að hluta til skyldunámskeið en námið býður einnig upp á talsverðan sveigjanleika og tækifæri til sérhæfingar innan fræðigreinarinnar í gegnum fjölbreytt valnámskeið. Námið hefur alþjóðlega skírskotun og er almennt miðað við að kennsla fari fram á ensku.

Umsækjendur sem sækja um nám í umhverfisbreytingum á norðurslóðum (EnCHiL Nordic Master, verða að hafa lokið B.Sc. gráðu sem samsvarar að lágmarki 180 ECTS einingum frá alþjóðlega viðurkenndum háskóla, þar með talið að lágmarki 90 ECTS í raunvísindum og tæknigreinum.

Nemendur á lokaári í B.Sc námi mega sækja um, að því tilskildu að þeir ljúki prófi sínu fyrir upphaf EnCHiL námsins. Lágmarksmeðaleinkunn úr B.Sc.-námi skal vera 7,25 af 10 eða C á ECTS skala. (Einkunnir úr öðrum einkunnakerfum verða umreiknaðar í ECTS kvarða af inntökunefnd).

Námið er kennt á ensku, þannig að nemendur sem ekki hafa ensku að móðurmáli þurfa að sýna fram á enskukunnáttu með fullnægjandi hætti. Fullnægjandi enskukunnátta fyrir inntöku alþjóðlegra meistaranema er tilgreint eftir löndum og fylgir inntökureglum Háskólans í Lundi. Þar kemur fram að gilt stúdentspróf frá íslenskum framhaldsskóla með 20 einingum í ensku (e. 2008; eða 12 einingum f. 2008) nægir. Þeir sem hafa ríkisfang frá löndum þar sem framhaldsskólapróf nægir ekki geta notað stöðupróf til að sýna fram á enskukunnáttu sína, svo sem: TOFEL prófi: Á pappír: lágmarkseinkunn 580 (skriflegur hluti einkunnar 4.5) / Ritgerð: (rPDT) Lágmarkseinkunn 20 í hverjum hluta (22 í skriflegum hluta) / Próf á netinu (IBT): Lágmarks heildareinkunn af 92 (skriflegur kafli 22) IELTS: 6.5, enginn hluti lægri en 5.5 (aðeins IELTS Akademic Training samþykkt) PTE Academic: Lágmark 62, þar af 54 í samskiptafærnihluta.

Staðfestingu á að hafa stundað nám á öðru skólastigi á ensku Athugið að stöðupróf má ekki vera eldra en tveggja ára

Hafi umsækjandi lokið háskólagráðu á ensku í einu af ESB/EES löndunum, Bretlandi, Ástralíu, Kanada, Nýja Sjálandi, Sviss eða Bandaríkjunum gildir sú gráða einnig sem staðfesting á enskukunnáttu. Slík gráða skal innihalda að lágmarki það sem jafngildir 60 ECTS námi á ensku.

Sótt eru um námið gegnum vefsíðu þess enchil.net.

Umsóknarfrestir eru 15. apríl fyrir nemendur með ríkisfang innan ESB/EES svæðisins, þ.m.t. á Íslandi og 31. janúar fyrir nemendur með ríkisfang utan ESB/EES svæðisins.

Námið samanstendur af 60-90 ECTS skipulögðum námskeiðum, allt eftir vali á lokarannsóknarverkefni, sem getur verið annað hvort 30 eða 60 ECTS. Námskeiðunum er skipt í skyldunámskeið (30-42 ECTS, eftir bakgrunni nemenda), bundið val (lágmark 8 ECTS) og aðrar valgreinar (allt að 34 ECTS).

Námið er í boði með fjarnámslausnum en krefst viðveru í ákveðnum kennslustundum og staðlotum. Sum valnámskeið eru alfarið staðarnámskeið.

Námið hefur alþjóðlega áherslu og eru öll námskeið sem skilgreind eru innan námsins kennd og metin á ensku. Nemendur hafa val um annað hvort 30 eða 60 ECTS lokarannsóknarverkefni, samþykkt af og valið í samstarfi við umsjónarkennara námsins og leiðbeint af fræðilegum leiðbeinendum með sérfræðiþekkingu á fræðasviðinu. Markmið sjálfstæða rannsóknarverkefnisins er að þjálfa fræðilega og verklega hæfni nemandans, skipulags- og verkefnastjórnunarhæfileika sem og sjálfstæði við úrlausn flókinna áskorana.

Nemendur innan ESB/EES: árlegt skrásetningargjald fyrir námið eruð 400 Evrur. Nemendur utan ESB/EES: árlegt skráningargjald eru 9000 Evrur

Alþjóðafulltrúi LBHÍ hjálpar nemendum og starfsfólki að taka þátt í námi og samstarfi erlendis. Þar á meðal eru skiptinám í gegnum Erasmus+ og Nordplus, auk annarra spennandi alþjóðlegra verkefna. Hér færðu upplýsingar og aðstoð við að sækja um skiptinám, styrki og tækifæri til að læra og starfa með fólki frá öðrum löndum.

Endurheimt vistkerfa er sífellt talin mikilvægari leið á alþjóðavettvangi til að takast á við áskoranir á sviði umhverfismála á borð við eyðimerkurmyndun, tap á líffræðilegri fjölbreytni, ósjálfbæra landnýtingu og loftslagsbreytingar.

Námið mun hjálpa þér að öðlast þá hagnýtu og fræðilegu færni sem nauðsynleg er við forgangsröðun, skipulag, framkvæmd, vöktun og mat á árangri verkefna á sviði endurheimtar í fjölbreyttum vistgerðum og á ólíkum skölum. Þú munt fræðast um og læra aðferðir við vöktun og mat á framvindu og árangri endurheimtar og aðlögun aðgerða sem tekur mið af bæði vistfræðilegum og samfélagslegum þáttum.

Alþjóðleg áhersla veitir undirbúning fyrir starfsferil hvar sem er í heiminum þar sem vaxandi þörf er á sérfræðingum með djúpan skilning á fræðilegum og hagnýtum hliðum þess að endurheimta vistkerfi og stuðla að náttúrulegri framvindu þeirra.